Birinchi ishlab chiqarilgan kompyuterlar partiyasiga oid Apple-1 Nyu-Yorkda o`tkazilgan Bonhams auksionida 905 ming dollarga sotildi, deya xabar bermoqda Reuters agentligi.
Ushbu noyob qurilma 1976 yilning yozida Apple asoschisi Stiv Voznyak tomonidan Stiv Jobs oilasiga tegishli garajda yig`ilgan 50 kompyuterlaridan biri hisoblanadi.
Kompyuter ishchi holatda sotilgan. Auksion tashkilotchilari qurilmaning 300-500 ming dollarga sotilishini taxmin qilishgandi, biroq narx juda ko`tarilib ketdi. Hozircha xaridorning kimligi aytilmayapti.