Moliya vaziri Jamshid Qo`chqorov Oliy Majlis Qonunchilik palatasida «2020 yil uchun O`zbekiston Respublikasining Davlat byudjeti to`g`risida»gi qonuni loyihasi muhokamasi vaqtida inflyasiya darajasi, uning yuqoriligiga sabab bo`lgan omillar bo`yicha ma`lumot taqdim etdi:
«Iqtisodiy sohada tarkibiy islohotlar amalga oshirilayotgan holatda joriy yilda inflyasiya darajasi nisbatan baland bo`lishi va u 15,5 foizni tashkil etilishi kutilyapti. Inflyasiyani keyingi yilda 12,5-13 foizgacha pasaytirish, 2022 yil yakuni bilan esa 9-9,5 foizgacha pasaytirish lozim bo`ladi. Buning uchun monetar va fiskal sohada muvofiqlashtirilgan holda qilinadigan choralar, raqobatbardosh iste`mol mahsulotlari ishlab chiqarishni ko`paytirishning aniq yo`nalishlari amalga oshiriladi. Umumiy fiskal taqchillikni 2022 yilgacha YaIMga nisbatan 1,5 foizgacha kamaytirish maqsad qilinmoqda.
Yaqinda Xalqaro valyuta jamg`armasining Kavkaz va Markaziy Osiyo bo`yicha iqtisodiy prognozlari e`lon qilindi. Unga ko`ra, O`zbekistondagi inflyasiya MDHdagi eng yuqori ko`rsatkich, deb qayd etildi. Bunga bir necha omil sabab bo`lgan. Birinchidan, investisiyalarga bo`lgan ehtiyoj. Yillar davomida bu muammo yig`ilib qolgan. Ehtiyojni qoplash uchun ichki va tashqi moliyaviy manbalar ishga solindi. Kreditlar hajmi yil yakunlari bilan 40 foizdan ortiq bo`lishi kutilyapti.
Ikkinchidan, tariflar. Non va un narxi erkinlashtirildi. Mana, yaqinda deputatlar fermerlar murojaatini ko`rib berishdi. Shu kabi masalalar inflyasiyaga o`z ta`sirini o`tkazyapti.
Savol tug`ilishi mumkin: nega inflyasiya darajasini keskin tushirishga harakat qilinmayapti? Avvalo, iqtisodiyotda moliyaviy manbalarga bo`lgan ehtiyoj qondirilmay qoladi, iqtisodiy o`sish darajasi pasayib ketadi. Shuning uchun buni bosqichma-bosqich hal qilishimiz kerak.
Uchinchidan, xalqaro valyuta bozoridagi va O`zbekistonning asosiy savdo hamkor mamlakatlari yirik valyuta kurslari almashinuvi sababli milliy valyutaning ma`lum darajada devalvasiyasi sodir bo`ldi».
11.06.2021, 15:53
O`zbekistonda may oyida yillik inflyasiya darajasi 10,9 foizni tashkil etadi. Bu haqda O`zA xabar berdi.Ma`lum qilinishicha, 2021 yilning may oyida yillik inflyasiya darajasi 10,9 foizni...
01.05.2021, 19:11
Joriy yilning aprel oyi iste`mol sektoridagi tovar va xizmatlar o`rtacha 1,5 foizga qimmatladi. Bu haqda O`zbekiston Respublikasi Davlat statistika qo`mitasi xabar berdi.Ma`lum qilinishicha, 2021 yil...
23.10.2020, 00:47
O`zbekistonda sentyabr oyida yillik inflyasiya darajasi 11,7 foizni tashkil etdi. Bu haqda Markaziy bank boshqaruvining 22 oktyabr kuni o`tkazilgan yig`ilishda bank raisi Mamarizo Nurmurodov ma`lum...
21.10.2019, 14:45
Jamshid Qo`chqorov “Markaziy va sharqiy Evropa mintaqasi bo`yicha (shu jumladan, MDHda) 2019 yilning eng yaxshi moliya vaziri“ deb tantanali tarzda taqdirlandi. Mamlakatimizning AQShdagi elchixonasi xabariga ko`ra,...
