Bugun, 27 oktyabr kuni Italiyaning "Yuventus" klubi bosh murabbiyi Igor Tudor iste'foga chiqarildi. Bu haqda klub matbuot xizmati xabar berdi.
Manbaga ko'ra, A Seriyaning 8-turi doirasidagi bellashuvdan so'ng turinliklarning xorvatiyalik ustosi Tudor muddatdan avval o'z lavozimidan ozod etildi. Jamoada vaqtincha Massimo Brambilla boshqaradi.
Jamoa hozirda Italiya chempionatida 8 turdan so'ng 12 ochko to'plab, turnir jadvalining 8-pog'onasini egallab turibdi.
Ma'lumot uchun, Igor 2025 yilning mart oyida "Yuventus" bosh murabbiyi etib tayinlangan edi. Uning qo'l ostida jamoa 24 uchrashuvda 10 ta g'alaba, 8 durang va 6 mag'lubiyat ko'rinishidagi natijani qayd etgan.
