“O`zbekoziqovqatxolding” kompaniyasi axborot xizmati tomonidan joylashtirilgan xabarga ko`ra, mamlakatimizda oziq-ovqat mahsulotlari taqchil bo`lmaydi.
Ta`kidlanishicha, oziq-ovqat sanoatida 12 mingdan ziyod korxona ishlab chiqarish bilan shug`ullanadi. Bugungi kunda ushbu korxonalar o`z rejimida ishlamoqda. Korxonalarning aksariyatida ish 1 smenada tashkil etilgan va quvvatlarning 70 foizidan foydalanilmoqda. Ularda yana qo`shimcha 30 foiz quvvatni ishga solish va ishni 2 smenada yo`lga qo`yish imkoniyatlari mavjud.
Mamlakatimizda 98 foiz oziq-ovqat mahsulotlari mahalliylashtirilgan. Deyarli barcha xom ashyo yurtimizda etishtiriladi. Chetdan kakao va qahva donlari, sitrus mevalar kabi mahsulotlar import qilinadi.
Eslatib o`tamiz, Davlat soliq qo`mitasi raisi Behzod Musaev hukumat tomonidan bunday vaziyat doimiy asosda nazoratga olib borilishini, nafaqat Toshkentda, balki hududlardagi bozorlarda ham taqchillik bo`lmasligini aytgandi.