Bugungi kunda shifokorlarimiz koronavirus tarqalishiga qarshi kurashishmoqda, balki boshqa tibbiy yordamga muxtoj fuqarolarning ham joniga ora kirishmoqda. Shu jumladan yaqinda Navoiy viloyatining Xatirchi tumanidagi 33-qishloq oilaviy poliklinika shifokori Komiljon Rahimov 2 yoshli bolani klinik o`lim holatidan hayotga qaytardi.
Voqea shunday bo`lganki, ariq bo`yida o`ynab yurgan 2 yashar Azizjon kutilmaganda ariqqa tushib ketadi. Keyin ariqdagi quvurga tiqilib qoladi. Uning quvurga tiqilib qolganini biroz o`tib, ariqqa suv to`lgach bilib qolishadi. Uni chiqarib olib oilaviy poliklinikaga olib kelishadi. Bu vaqtda 10 daqiqacha suv ostida qolib ketgan bola klinik o`lim holatida edi.
Qishloq poliklinikasida shifokor qo`lidan kelgan yordamni ko`rsatib, bolakayni klinik o`lim holatidan chiqarib oladi. Bu voqea haqida Yoshlar kanali videolavha tayyorladi. Video: