O`zbekiston Afg`onistonning siyosiy etakchilari tomonidan inklyuziv hukumat va Milliy yarashuv bo`yicha Oliy kengashni tashkil etish to`g`risidagi kelishuvga erishilganini qo`llab-quvvatlaydi, deyladi Tashqi ishlar vazirligi xabarida.
Shuningdek, ushbu muhim qarorlar qo`shni Afg`onistonda siyosiy muzokaralarga hamda mustahkam va uzoq muddatli tinchlikka yo`l ochishidan umidvorligi aytilgan.
O`z navbatida, O`zbekiston Afg`oniston xalqi bilan do`stlik va yaxshi qo`shnichilik munosabatlarini mustahkamlashda, afg`onlararo siyosiy jarayonni har tomonlama qo`llab-quvvatlashda hamda tinch va farovon Afg`onistonni barpo etish uchun har jihatdan yordam berishda davom etadi.