2020 yil 3 iyun soat 23:00 holatiga ko`ra, O`zbekistonda koronavirus infeksiyasi qayd etilganlar soni 3843 nafarni tashkil etmoqda, deya xabar berdi SSV matbuot xizmati.
Bugun soat 17:00 da bemorlar soni 3815 nafar edi, yaqin soatlarda ular 28 nafarga oshdi.
"Yangi kasallanish holatlarining 15 nafari Navoiy viloyatida, 2 nafari Toshkent shahrida, 1 nafar Samarqand viloyatida koronavirusga chalinganlar bilan muloqotda bo`lib qarantinga olingan fuqarolar orasida, 10 nafari esa Karantin markazidagi (shundan 9 nafari Moskvadan charter reys bilan kelgan, 1 nafari esa koronavirusga chalingan bemor bilan muloqotda bo`lgan) fuqarolar orasida aniqlangan", deyiladi xabarda.
Ayni paytda yurtimizda 3014 nafar koronavirus infeksiyasiga chalingan fuqarolar (78 foizi) sog`aydi. 813 nafar bemor davolanmoqda.
Bugun, shuningdek, 16-o`lim qayd etildi. Koronavirus aniqlangan toshkentlik 72 yoshli bemor vafot etdi.
