O`zbekiston Respublikasi Innovasion sog`liqni saqlash Milliy palatasi rossiyalik hamkasblariga mamlakat Hukumatining COVID-19 bilan kurashishning yuqori samaradorligiga yo`naltirilgan algoritm tezkor harakatini taqdim etdi. Bu haqda Innovasion sog`liqni saqlash Milliy palatasi matbuot xizmati xabar berdi.
Agar 2020 yil 15 martda mamlakatlar poytaxtlarida koronavirusning dastlabki holatlari rasman qayd etilgan bo`lsa, 22 martga kelib, Toshkentda jamoat transporti to`xtatilgan edi. 30 martda esa — mamlakat bo`ylab shaxsiy avtomobillarning harakati chegaralandi va butun mamlakat bo`ylab havo transporti harakati to`xtatildi. 1 apreldan o`zini o`zi izolyasiya qilish tartibi joriy etildi, va bu 6 apreldan mamlakatning barcha fuqarolari uchun shart etib belgilandi. Shuningdek, 6 apreldan mototransport (skuter) va velosipedlarda harakatlanish ham chegaralandi.
O`zining puxta o`ylanganligini va zarur ekanligini isbotlagan ushbu bosqichlar 2020 yil 30 iyunda InfoSpace anjumani doirasidagi bo`lib o`tgan onlayn sessiyadagi Milliy palata raisi Rovshan Izamovning taqdimotida batafsil yoritildi. Anjuman Rossiya Federasiyasi Savdo-sanoat palatasi Moliyaviy va investisiya-sanoat siyosati kengashi tomonidan tashkil etilgan.
Sog`liqni saqlashdagi innovasiyalar bo`yicha o`tkazilgan sessiyani o`ziga xos «kelajakka oyna» desak ham bo`ladi. Zero unda raqamli tibbiyot keng ma`noda qanday rivojlanganligini COVID-19 pandemiyasi yuzaga chiqarganligi aniq-ravshan ko`rsatib bergan.
Joriy etilgan va endi ishlab chiqarilayotgan taqdimotlar raqamli tibbiyot, sog`liqni saqlash iqtisodiyoti, farmakologiya va boshqa sohalarning obro`li ekspertlari tomonidan o`qib eshittirildi.
Milliy palata taqdimotida asosiy urg`u berilganidek, O`zbekistonda koronavirus infeksiyasi tufayli chora ko`rish maqsadida zudlik bilan mamlakat Bosh vaziri raisligida Respublika maxsus komissiyasi shakllantirilgan. Va ushbu komissiyaga pandemiyaning barcha bosqichlarida strategiyani va aniq choralarni to`liq belgilash vazifasi yuklatilgan. Ushbu choralarning samaradorligi haqida COVID-19 bilan bog`liq statistika guvohlik beradi. Va u O`zbekistonda boshqa ko`pgina mamlakatlarga qaraganda ahvol bir muncha yaxshi ekanligini ko`rsatib turibdi.
Sessiya davomida COVID-19 pandemiyasining sog`liqni saqlash tizimini raqamlashtirishni tezlashtirishga ta`siri, innovasion tibbiyotning davlat tomonidan qo`llab-quvvatlanishi va moliyalashtirilishi kabi masalalar muhokama etildi. Shuningdek, muhokamadan dori vositalari harakatining monitoringining avtomatlashtirilgan tizimini joriy etish ham o`rin oldi. Bunda aynan qoloq texnologiyalar va raqamli transformasiyani hal etish, ya`ni sun`iy intellekt, blokcheyn, teletibbiyot va boshqa bir qator masalalar nazarda tutilgan.
Xususan, sog`liqni saqlashni tashkillashtirishdagi texnologiyalar ta`siri bilan bog`liq o`zgarishlar bo`yicha bashoratlar qatorida raqamli monitoring, profilaktika, terapiya, tashhislash va sun`iy intellekt yordamida qarorlar qabul qilish haqida so`z yuritildi.
Tibbiy yordamni tashkillashtirishda raqamlashtirishni joriy etish (Deloitte texnologiyasi), mutaxassisilar fikricha, sinxronizasiya hisobiga shifokorlarning etishmovchiligiga chek qo`yilishiga olib keladi, shuningdek, bemorni uning o`zini qanday davolayotganligiga jalb etilishiga ham olib keladi. Bemor bilan shifokor o`rtasida yo`lga qo`yilgan axborot almashinuvi tufayli unga ko`rsatilayotgan yordamning sifati oshadi. Va bu bashoratlar yaqin kelajak mevasidir. Axir COVID-19 pandemiyasi davrida raqamli tibbiyotning ko`pgina elementlari amalda, xususan, kasallikning engil formasi bilan shikastlangan va uy karantiniga olingan bemorlarni davolashda sinaldiku.
Mazkur tajriba O`zbekiston uchun juda muhim. Va bu erda ham iyul oyidan boshlab COVID-19 ning engil formasi bilan kasallanganlarni davolashda va kasallikning asoratsiz kechishida qo`llanila boshlanadi.
Ushbu onlayn anjumanda ishtirok etish mutaxassislarga tajriba va dolzarb ishlanmalar bilan almashinish imkonini berish barobarida aloqalar o`rnatish imkonini ham berdi. Va bu raqamli tibbiyot sohasidagi serunum loyihalarning boshlanishi bo`lishi mumkin.
