Бухоро, Фарғона ҳамда Қашқадарё вилоятларида Халқ депутатлари вилоят кенгашларининг еттинчи чақириқ биринчи сессиялари ўтказилди.
Маълум қилинишича, Халқ депутатлари Бухоро вилояти кенгашининг еттинчи чақириқ биринчи сессиясида 24-Хумдонак сайлов округидан сайланган депутат Жамол Ашуров халқ депутатлари Бухоро вилояти кенгаши раиси этиб сайланди.
Сессияда Ботир Зарипов вилоят ҳокими лавозимига бир овоздан тасдиқланди.
Шунингдек, Халқ депутатлари Фарғона вилояти кенгашининг еттинчи чақириқ биринчи сессиясида 44-Тошлоқ округидан сайланган депутат Холматжон Комилов халқ депутатлари вилоят кенгаши раиси этиб сайланди.
Халқ депутатлари Фарғона вилояти кенгаши қарорига мувофиқ Хайрулло Бозоров вилоят ҳокими лавозимига бир овоздан тасдиқланди.
Бундан ташқари, Халқ депутатлари Қашқадарё вилояти кенгашининг VII чақириқ, биринчи сессиясида депутат Исмигул Хушмуродова Халқ депутатлари вилоят кенгаши раиси этиб сайланди.
Сессияда қабул қилинган қарор билан Муротжон Азимов номзоди вилоят ҳокими лавозимига бир овоздан тасдиқланди.
