«Uzbekistan Airways» фойдаланилмаётган авиация ускуналарини сотувга қўйди. Бу самолётлар паркини янада бирлаштириш ва модернизация қилиш лойиҳаси доирасида амалга оширилмоқда, дейилади Давлат активларини бошқариш агентлигининг веб-сайтида.
Сотилган транспорт воситалари орасида 1991 йилда ишлаб чиқарилган қиймати 1 миллион 224 минг 904 АҚШ доллари миқдоридаги МИ-8МТВ-1 вертолётлари, шунингдек, 1992 йилда ишлаб чиқарилган шу русумдаги, қиймати 1 миллион 274 минг 265 АҚШ доллари миқдоридаги вертолёт ҳам бор.
Шунингдек, компания томонидан бир қатор самолёт двигателлари ҳам сотувга қўйилган.