Ўзбекистон миллий терма жамоаси аъзоси Игор Сергеев Эроннинг “Персеполис” жамоаси билан шартномани расман имзолади.
У 32 ёшда бўлиб, клубда 19-рақам остида ҳаракат қилади. Манбага кўра, унинг шартномаси 1,5 мавсумга мўлжалланган ва шу вақт ичида тахминан 1,5 млн доллар даромад олиши кутилмоқда.
Айни дамда “Персеполис”да Ўзбекистон терма жамоасининг яна бир футболчиси — Остон Ўрунов ҳам майдонга тушмоқда.
Сергеев жорий мавсум Тошкентнинг “Пахтакор” жамоаси сафида 38 та учрашувда 25 та гол урган ва 3 та голли узатма амалга оширган.
