“Oliy o`quv yurtlarida o`qish uchun talabalarga kredit beriladimi? Berilsa, qancha foiz evaziga?
D.Sharipova,
Toshkent shahri
O`zbekiston Respublikasi Markaziy banki boshqaruv raisining birinchi o`rinbosari U.Mustafoev javob beradi:
-Tijorat banklari respublika oliy o`quv yurtlariga to`lov-kontrakt asosida o`qishga qabul qilingan O`zbekiston fuqarolari, ularning ota-lonalari va vasiylariga ta`lim to`lovi uchun ta`lim kreditlari ajratadilar. (Vazirlar Mahkamasining 2001 yil 26 iyuldagi “Oliy o`quv yurtlarida to`lov-kontrakt asosida o`qish uchun ta`lim kreditlari berish to`g`risida” gi qarori)
Ta`lim kreditlari o`qishga kirgan shaxslarga quyidagicha muddatda beriladi:
Bakalavriat uchun -10 yil muddatga;
Magistratura uchun - 5 yil muddatga;
Ta`lim kreditlarida quyidagicha foiz stavkalari joriy etilgan:
chin etimlar va «Mehribonlik uylari»da tarbiyalanganlar, bolalikdan I va II guruh nogironlari va kam ta`minlangan oilalardan chiqqanlar uchun –o foiz stavka(Foizsiz kredit);
talabalarning qolgan toifalariga — O`zbekiston Respublikasi Markaziy bankining amaldagi qayta moliyalash stavkasidan yuqori bo`lmagan o`zgaruvchi foiz stavkalari belgilanadi.(hozirda yiliga 9%)