Chexiyaga borishni rejalashtirayotgan O`zbekiston fuqarolari uchun muhim habar e`lon qilindi

Chexiyaga borishni rejalashtirayotgan O`zbekiston fuqarolari diqqatiga

O`zbekistonning Germaniya Federativ Respublikasidagi Elchixonasi bergan ma`lumotga ko`ra, Chexiya Respublikasi Sog`liqni saqlash vazirligining himoya choralari to`g`risidagi qarori bilan 2020 yilning 21 sentyabrdan chet el fuqarolarining ushbu mamlakatga kirish tartibi o`zgartirildi.

SOVID-19 xavfi past darajada bo`lgan davlatlar ro`yxatiga kiritilmagan uchinchi davlatlarning barcha fuqarolariga hamda mazkur davlatlarda vaqtincha yoki doimiy yashovchi uchinchi davlatlarning barcha fuqarolariga Chexiya Respublikasiga kirish ta`qiqlanadi.

SOVID-19 xavfi past darajada bo`lgan davlatlar ro`yxatiga kiritilmagan uchinchi davlatlarning birida so`nggi 14 kun ichida 12 soatdan ko`proq bo`lgan barcha shaxslarga Chexiya Respublikasining butun hududi bo`ylab 10 kun davomida yoki tegishli karantin choralari bekor qilingunga qadar erkin harakatlanish ta`qiqlanadi.

2 oktyabr holatiga ko`ra O`zbekiston SOVID-19 xavfi past darajada bo`lgan davlatlar ro`yxatiga kiritilmagan.

Amaldagi tartibning to`liq matni bilan Chexiya Respublikasi Sog`liqni saqlash vazirligi (www.mzcr.cz) va Chexiya Respublikasi Ichki ishlar vazirligi (www.mvcr.cz) saytlari orqali tanishish mumkin.

Shu munosabat bilan, O`zbekiston Tashqi ishlar vazirligi Operativ shtabi Chexiyaga tashrif buyurishni rejalashtirayotgan hamyurtlarimizga Chexiya tomonining ushbu qarorini inobatga olishni tavsiya qiladi.