Braziliyada koronavirusga chalinganlar soni 5 milliondan oshdi

Braziliyada koronavirusni yuqtirib olganlar soni 5 million kishidan oshdi, deya ma`lum qildi mamlakat sog`liqni saqlash vazirligi.

Vazirlikning hisob-kitoblariga ko`ra, mamlakatda COVID-19ga chalinganlar soni 5 000 694 kishiga etgan, 148 228 nafar bemor hayotdan ko`z yumgan. 4,3 million kishi yangi virusdan forig` bo`lgan.

Jahon sog`liqni saqlash tashkiloti 11 mart kuni yangi COVID-19 koronavirus infeksiyasi tarqalishini pandemiya deya e`lon qildi.

«Worldometer»ning ma`lum qilishicha, 2020 yil 8 oktyabr Toshkent vaqti bilan soat 17:00 holatiga ko`ra, dunyo bo`yicha koronavirusga chalinganlar soni 36 449 490 kishiga etdi. 1 061 519 nafar bemor kasallik qurboniga aylandi. 27 445 006 kishi COVID-19 dan xalos bo`lgan.