Sal avval xabar qilganimizdek, 2021 yil 14 yanvar kuni yarim tunda ijtimoiy tarmoqlar orqali Tojikiston Respublikasi hududida joylashgan Qayroqqum suv omborining yorilishi natijasida suv toshqini sodir bo`lganligi to`g`risida yolg`on xabarlar tarqaldi.
Bu xabar toshqindan zarar ko`rgan Sardoba, Mirzaobod, Oqoltin kabi tumanlarda jiddiy vahima uyg`otgan. Ayrimlar o`z yashash hududini tark etishga oshiqqani holatlar ham bo`ldi, deya xabar berdi Sirdaryo viloyati hokimligi Axborot xizmati.
Bundan xabar topgan viloyat hokimi tumanlarga etib borgan.
G`ofurjon Mirzaev bu kabi xabar tarqalishiga xech qanday asoslar mavjud emasligini bildirdi. Aholini yolg`on mish-mishlarga ishonmaslikka va sarosimaga tushmaslikka chaqirdi.
Eslatib o`tamiz, O`zbekiston FVV ushbu xabar yolg`on va hech qanday asosga ega emasligini ma`lum qildi.
