Amerikaning "Xavfsiz Internet uchun koalisiya" notijorat tashkiloti Apple kompaniyasiga qarshi sudga murojaat qilib, App store-dan Telegram dasturini olib tashlashni talab qildi. Bu haqda The Washington post xabar bermoqda.
Shikoyat tashkilot va uning prezidenti Mark Ginsberg nomidan berilgan. Da`vogarlar Telegram'da antisemitizm, irqchilik va neo-nasistlar mazmuni tarqatilishini da`vo qilmoqda, bu App store dasturlari qoidalarini buzmoqda.
Millati yahudiy bo`lgan Ginsberg sud da`vosida Telegramdagi antisemit mazmuni uni xavf ostiga qo`yishini va shu sababli u iPhone egasi bo`lgani uchun Apple kompaniyasini sudga berish huquqiga ega ekanligini da`vo qilmoqda.
Da`vogarlar, Telegram, xususan, Kapitoliyning bosqindan keyin ekstremistik bayonotlarni to`xtatmaganligini ta`kidlamoqda. "Telegram Parler bilan taqqoslaganda ham [nafrat so`zlari] tarqatuvchisi sifatida ajralib turadi", dedi Ginsberg.
"Xavfsiz Internet uchun koalisiya" Telegramni dastur do`konidan olib tashlashni talab qilib sudga murojaat qilishni rejalashtirmoqda.
AQShning amaldagi prezidenti Donald Tramp tarafdorlari Kapitoliyga hujumni uyushtirgandan so`ng, Apple va Google Tramp tarafdorlari bilan mashhur bo`lgan Parler ijtimoiy tarmog`ini o`zlarining dastur do`konlaridan olib tashladilar. Ijtimoiy tarmoqlar uchun xosting xizmatlarini ko`rsatuvchi Amazon o`z serverlaridan uzilishini e`lon qildi.
Shundan so`ng Parler foydalanuvchilari boshqa ijtimoiy tarmoqlarga, shu jumladan ilgari o`ta qarshi g`oyalar tarafdorlari muloqot qiladigan Telegramga o`tishni boshladilar. Ilgari Telegram "Islomiy davlat" tarafdorlari uchun ham asosiy platforma bo`lgan, ammo 2019 yilda ijtimoiy tarmoq Evropa Ittifoqi polisiyasi xizmati bilan hamkorlikda minglab axboriy kanallarni to`sib qo`ydi.
