Andijon viloyatida FVV yong`in-qutqaruvchilari ishlab chiqarish ob`ektidagi yong`inni bartaraf etdi. Bu haqda FVV xabar qildi.
Qayd etilishicha, yong`in joriy yilning 5 mart kuni, soat 08:21 da, Andijon shahrining Chinobod ko`chasida joylashgan sintefon ishlab chiqarish ob`ektida yuzaga kelgan.
Deyarli 3 daqiqa ichida FVVning hududiy boshqarmasidan 10 ta yong`in o`chirish ekipaji voqea joyiga etib kelgan. Yong`in taxminan 200 kvadrat metrni tashkil etgan. Qutqaruvchilarning tezkor harakatlari natijasida qisqa vaqt ichida yong`in bartaraf etilib, ming kvadrat metrdan ortiq qismi saqlanib qolingan.
