Shuni ma`lum qilamizki, Din ishlari bo`yicha qo`mita Saudiya Arabistoni rasmiylari hamda Haj va Umra ishlari bo`yicha Attashe bilan mazkur masalada muntazam aloqa o`rnatgan. Bu haqda Din ishlari bo`yicha qo`mita Axborot xizmati xabar berdi.
So`nggi kunlarda internet saytlari va ijtimoiy tarmoq sahifalarida 2021 yilgi Haj mavsumini tashkil etilishi bilan bog`liq turli xabarlar tarqalmoqda. Din ishlari bo`yicha qo`mita tarqalayotgan xabarlarga oydinlik kiritish maqsadida quyidagilarni ma`lum qildi:
Birinchidan, ijtimoiy tarmoqlarda “Muqaddas Xaj Safariga rasman ruxsat berildi. Faqatgina xaj safariga bormoqchi bo`lganlar koronavirusga vaksina qabul qilgan bo`lishlari shart” va boshqa shu kabi sarlavhalar ostida tarqatilayotgan xabarlar hech qanday rasmiy asosga ega emas.
Ikkinchidan, bu kabi xabarlarning tarqalishi va turlicha talqin qilinishi – Saudiya Arabistoni Sog`liqni saqlash vazirining “Haj mavsumi ziyoratchilarini qabul qilishning asosiy sharti – “COVID-19” ga qarshi emlangani bo`ladi”, mazmunidagi intervyusiga asoslangan.
Uchinchidan, Haj va Umra tadbirlarini tashkil etish bo`yicha Saudiya Arabistoni hukumati tomonidan hozirga qadar hech qanday rasmiy qaror e`lon qilinmagan.
"Hurmatli yurtdoshlar!
Haj va umra ziyoratlari bilan bog`liq asosli ma`lumotlar Din ishlari bo`yicha qo`mitaning rasmiy veb-sayti va ijtimoiy tarmoq sahifalari orqali e`lon qilinadi.
Shu o`rinda, yurtdoshlarimizdan yuqoridagi kabi asossiz va chalg`ituvchi xabarlarga ishonmasliklarini so`rab qolamiz.
O`z navbatida, OAV vakillarini aholi orasida turli tushunmovchilik keltirib chiqaradigan, tekshirilmagan ma`lumotlarni tarqatmaslikka chaqiramiz!",–deyiladi qo`mita axborotida.
08.04.2021, 14:53
Avvalroq, Din ishlari bo`yicha qo`mita raisi Abdug`ofur Ahmedov lavozimidan ozod etilgani haqida xabar bergan edik. "Yangi O`zbekiston" nashrining xabar berishicha, O`zbekiston Respublikasi Vazirlar Mahkamasi huzuridagi Din...08.04.2021, 14:02
Vazirlar Mahkamasi huzuridagi Din ishlari bo`yicha qo`mita raisi Abdug`ofur Ahmedov lavozimidan ozod etildi. Bu haqda O`zbekiston prezidentining tegishli qarori imzolandi deya xabar bermoqda Kun.uz.Qayd etilishicha,...01.04.2021, 17:18
Surxondaryo viloyati Adliya boshqarmasi tomonidan «Abu Hanifa» jome masjidi ro`yxatdan o`tkazilib, uning ro`yxatdan o`tkazilgani to`g`risidagi guvohnoma diniy tashkilotga topshirildi. Bu haqda Din ishlari bo`yicha qo`mita...14.03.2021, 16:46
2021 yil 13 mart kuni Afg`onistonlik mehmonlar Din ishlari bo`yicha qo`mita rahbariyati, O`zbekiston musulmonlari idorasi vakillari va Surxondaryo viloyati hokimligi hamrohligida Afg`oniston delegasiyasi Termiz shahridagi...