Gruziyaga parvoz qilishda nimalar talab etilishi ma`lum qilindi

Uzbekistan Airways Gruziyaga parvoz qilishni rejalashtirayotgan yo`lovchilar uchun muhim xabarni e`lon qildi.

Unda quyidagi talablarni bajarishlari kerakligi aytilgan:

1.  PZR usuli bilan yangi koronavirus infeksiyasining mavjud emasligi uchun testdan o`tish. Sinov Gruziyaga kelishidan 72 soat oldin amalga oshirilishi va ingliz tilida to`ldirilishi kerak. Ushbu talab 10 yoshgacha bo`lgan bolalarga qo`llanilmaydi.

Test oldindan tasdiqlanishi va ushbu havoladan ro`yxatdan o`tkazilishi kerak.

 2.   Parvozdan oldin yo`lovchilar ushbu havoladagi onlayn-shaklni to`ldirishlari talab etiladi.

Ushbu shakl parvozga ro`yxatdan o`tkazishda mobil telefonga yuklangan bo`lishi yoki yo`lovchining qo`lida bosma shaklda bo`lishi kerak.

Talablarni bajarmagan yo`lovchilarga Toshkent – Tbilisi qatnoviga RUXSAT BERILMAYDI.

Istisno:

• Gruziya fuqarolari

• COVID-19ga qarshi emlashning to`liq kursini tugatgan va qo`llarida emlashning ingliz tilida tasdiqlangan sertifikati bo`lgan yo`lovchilar.⠀

Aloqa-markazi raqami: +998 78 140 02 00 (kechayu kunduz).