FVV ning xabariga ko`ra, bugun, 31 iyul kuni soat 13:10 da Sergeli tumani Qo`ylik-5 dahasida joylashgan nonvoyxona va lavash tayyorlash oshxonasida yong`in sodir bo`lgan.
Bu bo`yicha Toshkent shahar Favqulodda vaziyatlar boshqarmasiga xabar kelib tushdi.
Shunga ko`ra, 4 ta yong`in-qutqaruv ekipaji soat 13:13 da voqea joyiga etib borib, soat 13:28 da yong`in o`rab olingan va soat 13:30 da yong`in batamom o`chirilgan..
Yong`in oqibatida binoning 80 kv.m. maydonda tom va shift qismi yonib zararlangan. 220 kv.m. maydon saqlab qolingan.
Hodisa oqibatida halok bo`lgan va jabrlanganlar yo`q.
Hozirda yong`in sababi va moddiy zarar miqdori aniqlanmoqda.
Yuqoridagi kabi ko`ngilsiz vaziyatlarning oldini olish maqsadida, Favqulodda vaziyatlar vazirligi fuqarolardan yong`in xavfsizligi qoidalariga rioya etishlarini so`ramoqda.
