AOKAda bo`lib o`tgan brifingda Koronavirusga qarshi kurashish shtabi a`zosi Nurmat Otabekov COVID-10ga qarshi vaksinalar va emlash jarayonlari to`g`risidagi savollarga javob berdi.
“Moderna”ni vaksinasini O`zbekistonda ishlab chiqarish bo`yicha muzokaralar olib borilmaganmi?
“Moderna” vaksinasi (m-RNK-1273) COVAX jamg`armasi doirasida respublikamizga olib kelingani, AQShning biotexnologiya kompaniyasi tomonidan ishlab chiqilgani va 2021 yilda eng yaxshi vaksina deb baholangani hamda “Vaksina platformasida/eng yaxshi yangi texnologiya” nominasiyasi bo`yicha g`oliblikni qo`lga kiritgani qiziqishning ortishiga sabab bo`lishi mumkin.
Hozircha O`zbekistonda ZF-UZ-COV-2001 va SPUTNIK-V vaksinalarini ishlab chiqarish bo`yicha muzokaralar olib borilmoqda. Kelgusida ishlab chiqarish jarayonini O`zbekistonda yo`lga qo`yish istagida bo`lgan barcha tashabbuslar har tomonlama o`rganib chiqiladi.
Olib kelingan “Moderna” vaksinasi tugasa, uning ikkinchi bosqichida qanday yo`l tutiladi? Bu vaksina yana olib kelinishi rejalashtirilganmi?
Olib kelingan 3 mln 60 doza vaksina bilan 1,5 mln atrofidagi aholini to`liq emlashimiz mumkin. Kelgusida ham ushbu jamg`arma tomonidan “Moderna” vaksinasi respublikamizga yana olib kelinishi mumkin. Nafaqat bu vaksina balki, Jahon sog`liqni saqlash tashkiloti tavsiya etgan boshqa vaksinalar ham olib kelinishi ehtimoli bor.
AQShdan olib kelingan vaksinaning samarasi qolgan vaksinalarga nisbatan ko`proq kuzatilsa, qolgan vaksinalar bilan emlash to`xtatilishi mumkinmi?
Vaksinalarning immunogenligi 50 foizdan yuqori bo`lsa, u holda samarador hisoblanadi. Hozir O`zbekistonda qo`llanilayotgan barcha vaksinalarning immunogenligi 90% dan yuqori deb baholangan. Har qanday samarador bo`lmasin, respublikamiz ehtiyojini faqat «Moderna» vaksinasi bilan qondirib bo`lmaydi. Shu bois ham boshqa vaksinalardan voz kechilmaydi.
«Moderna» vaksinasi olis hududlarga ham etkaziladimi?
Albatta O`zbekistonda qanday vaksina ishlatilishidan qat`iy nazar barcha hududlar aholi qatlamiga ushbu vaksinalar etib boradi. Hozir «Moderna» vaksinasi barcha hududlarda mavjud.
Vaksina qabul qilgan fuqaro ma`lum bir muddatga ishda ozod etilish bilan bog`liq chora-tadbirlar ko`zda tutilganmi?
Ishdan ozod etish amaliyoti mavjud emas. Lekin, emlangan shaxslar, emlash punktining o`zida 30 minut davomida, keyinchalik uch kun mobaynida kuzatuvda bo`lishadi.
23.01.2023, 11:20
Jahon sog`liqni saqlash tashkilotining immunizasiya va vaksinasiya masalalari bo`yicha direktori Keyt O’Brayen koronavirusga qarshi emlash vositalari samaradorligi va xavfsizligi haqida bayonot berdi. Bu haqda SSV...
23.12.2022, 20:25
20 dekabr kuni bir kunda Xitoyda 37 million kishi koronavirus bilan kasallandi. Bu haqda Bloomberg agentligi Xitoy sog`liqni saqlash milliy komissiyasining yopiq yig`ilishiga tayanib xabar...
06.09.2022, 09:07
Yangi to`lqindagi koronavirus belgilari SARSga o`xshaydi va pnevmoniya va bronxit kamroq tarqalgan, deydi shifokorlar. Bu haqda "stopkoronavirus.rf" saytida xabar qilindi. Yangi to`lqinda COVID-19 ning oldini olish...
20.07.2022, 10:34
Kecha, 19 iyul kuni O`zbekistonda yana 70 nafardan ziyod kishida koronavirus aniqlandi, deya xabar bermoqda SSV matbuot xizmati. Shu bilan, 2022 yil 19 iyul holatiga ko`ra,...
