Adiblar xiyobonida Boburga bag`ishlangan “Yulbars izidan" hujjatli film premerasi o`tkazildi.
Premeradan oldin Kinematografiya agentligi, O`zbekiston Respublikasi Jamoat xavfsizligi universiteti hamda Oliy va o`rta maxsus ta`lim vazirligi hamkorligida "Zahiriddin Muhammad Bobur hayoti va faoliyati – vatanparvarlik namunasi" mavzusida ma`naviy-ma`rifiy tadbir tashkil etildi, deya xabar bermoqda agentlik matbuot kotibi.
Tadbirda Bobur hayoti va ijodiga bag`ishlangan ma`ruzalar, sahna ko`rinishlari, g`azallar va she`riy parchalar o`qilgan.
Shundan so`ng, Kinematografiya agentligi va O`zbekiston Respublikasi Jamoat xavfsizligi universiteti buyurtmasiga binoan “Sintez film” studiyasi tomonidan suratga olingan “Yulbars izidan. Zahiriddin Muhammad Bobur” hujjatli filmi namoyish etilgan.
Ssenariy muallifi va postanovkachi rejissyor Bobur Sher o`g`li, postanovkachi operator Diyor Ismatov, postanovkachi rassom San`at Kenjaev, prodyuser Xurshid Alixo`jaev. Aktyorlar Ilhom Berdiev, Ilmira Rahimjonova, Bahrillo Rahimov, Alisher Yo`ldoshev, Mansur Abduxoliqov, Rayhon Asadova, Umid Zokirov, Daler Temurov, Zarif Hasanov.
