Benzin narxi pasaymoqda — Antimonopoliya qo`mitasi

Joriy yilning 18 noyabr kuni birja savdolariga jami 4438,9 tn AI-80 markali benzin qo`yilgan bo`lsa shundan 3339,7 tn yoki 75 foizi  sotilgan. Bu haqda Monopoliyaga qarshi kurashishi davlat qo`mitasi xabar bermoqda. 

Ma`lum qilinishicha,  ko`rilgan amaliy tadbirlar natijasida, 15 noyabrga nisbatan 18 noyabr kuni AI-80 markali avtomobil benzinining o`rtacha sotilish narxlari 1 tonnasi 10 129 ming so`mdan 9 180,5 ming so`mgacha pasayib  9 foizga arzonlashdi.

Ishlab chiqaruvchilar kesimida ushbu ko`rsatkich quyidagilarni tashkil etdi:

Farg`ona NQIZ –  17 %;

"Sanoat energetika guruhi" MChJ QK-  16 %;

Buxoro NQIZ (mahalliy xomashyodan ishlab chiqarilgan) -  8 %;

Buxoro NQIZ (import xomashyodan ishlab chiqarilgan) –   0,2 %;

Birja savdolari orqali benzin sotib oluvchi kunlik xaridorlar soni  3,7 barobarga oshdi (32 tadan 119 taga).