Qozog`iston Prezidenti Qosim-Jomart To`qaev Respublika Hukumatining yangi tarkibi to`g`risidagi farmonni imzoladi, unda bir qator Vazirlar mahkamasi a`zolari o`z o`rinlarini saqlab qolgan, ayrimlari esa ko`tarilgan. Bu haqda Prezident matbuot xizmati xabar bergan.
Bosh vazirning birinchi o`rinbosari lavozimini sobiq Bosh vazir o`rinbosari Roman Sklyar egallagan, Bosh vazir o`rinbosari Erali Tug`janov esa o`z lavozimini saqlab qolgan. Savdo va integrasiya vaziri lavozimini saqlab qolgan Baxit Sultonov ham Bosh vazir o`rinbosari bo`lgan.
Qozog`iston Axborot va ijtimoiy rivojlanish vaziri vazirlikning sobiq o`rinbosari Asqar Umarov bo`lgan, Oliy sudning ma`muriy ishlar bo`yicha sudlov hay`atining sobiq rahbari Kanat Musin esa Adliya vaziri lavozimini egallagan. Sog`liqni saqlash vaziri sobiq vazir o`rinbosari Ajar Giniyat bo`lgan.
Sanoat va infratuzilmani rivojlantirish vaziri vazirlikning sobiq birinchi o`rinbosari Kairbek Uskenboev, Madaniyat va sport vaziri esa Prezident ma`muriyati rahbarining sobiq birinchi o`rinbosari Dauren Abaev bo`lgan. Sobiq vazir o`rinbosari bo`lgan Alibek Quantirov Milliy iqtisodiyot vaziri lavozimini egallagan.
Moliya vaziri Erulan Jamaubaev, Raqamli rivojlanish, innovasiyalar va aerokosmik sanoat vaziri Bagdat Musin, Ekologiya, geologiya va tabiiy resurslar vaziri Serikkali Brekeshev, Ta`lim va fan vaziri Asxat Aymagambetov yangi hukumat tarkibida o`z portfellarini saqlab qolgan. Shuningdek, lavozimlar Mehnat va aholini ijtimoiy muhofaza qilish vaziri Serik Shamkenov va Favqulodda vaziyatlar vaziri Yuriy Ilinda saqlab qolingan.
