Buyuk Britaniyada muddatidan oldin parlament saylovlari bo`lib o`tdi.
Parlament va hukumat leyboristlar partiyasi qo`liga o`tdi. Partiya g`alaba uchun zarur bo`lgan 326 ta o`rinni qo`lga kiritdi. Egzit-pollar partiya 400 tadan ko`proq o`rinni egallab, 1997 yilgi Toni Bler natijasiga qariyb yaqinlashishini prognoz qilishmoqda.
Kir Starmer Britaniyaning navbatdagi bosh vaziri bo`ladi.
Bosh vazir Rishi Sunak boshchiligidagi konservatorlar partiyasi partiya tarixidagi eng yomon natijani ko`rsatib, og`ir mag`lubiyatga uchradi.
Konservatorlar 14 yildan beri mamlakat hukumatini boshqarib kelayotgan edi.
