Ijtimoiy tarmoqlarda Nurobod tumanidagi 41-umumta`lim maktabi 8-sinf o`quvchisining norozi bo`lib yo`llagan videomurojaati tarqaldi. O`quvchi unda "Bir million dasturchi" loyihasi doirasidagi IT tanlovining tuman bosqichida ham, viloyat bosqichida ham g`olib bo`lganini aytadi, biroq ov g`olib sifatida unga berilgan noutbukni uyiga kelib ochib ko`rganida eski bo`lib chiqqan.
Tanlov g`olibi maxsus ilovalardan noutbukni boshqa bir shaxsga tegishli ekanini aniqlagan.
Mazkur holat bo`yicha Nurobod tumani hokimligi axborot xizmati ham munosabat bildirdi.
Hokimlik o`sha kuni noutbuk emas, balki telefon berganini aytmoqda.
Qayd etilishicha, joriy yilning 6 yanvar kuni Nurobod tumanidagi umumta`lim maktablarining 7-11-sinf o`quvchilari o`rtasida "Bir million dasturchi" loyihasi asosida "IT-TANLOV"ning tuman bosqichi bo`lib o`tgan.
Mazkur musobaqada 41 umumta`lim maktabining 8-sinf o`quvchisi S. Sattarov faxrli birinchi o`rinni olib, tuman hokimligining faxriy yorlig`i hamda "Realme C11" rusumli telefon apparati bilan taqdirlangan.
Ma`lui qilinishicha, mazkur holat yuzasidan Nurobod tumani hokimligi tomonidan ishchi guruh tuzilib, o`rganish ishlari olib borilmoqda.
Natijalar bo`yicha qo`shimcha ma`lumotlar berilishi aytiladi.
