Ижтимоий тармоқларда Нуробод туманидаги 41-умумтаълим мактаби 8-синф ўқувчисининг норози бўлиб йўллаган видеомурожаати тарқалди. Ўқувчи унда "Бир миллион дастурчи" лойиҳаси доирасидаги IT танловининг туман босқичида ҳам, вилоят босқичида ҳам ғолиб бўлганини айтади, бироқ ов ғолиб сифатида унга берилган ноутбукни уйига келиб очиб кўрганида эски бўлиб чиққан.
Танлов ғолиби махсус иловалардан ноутбукни бошқа бир шахсга тегишли эканини аниқлаган.
Мазкур ҳолат бўйича Нуробод тумани ҳокимлиги ахборот хизмати ҳам муносабат билдирди.
Ҳокимлик ўша куни ноутбук эмас, балки телефон берганини айтмоқда.
Қайд этилишича, жорий йилнинг 6 январь куни Нуробод туманидаги умумтаълим мактабларининг 7-11-синф ўқувчилари ўртасида "Бир миллион дастурчи" лойиҳаси асосида "IT-TANLOV"нинг туман босқичи бўлиб ўтган.
Мазкур мусобақада 41 умумтаълим мактабининг 8-синф ўқувчиси С. Саттаров фахрли биринчи ўринни олиб, туман ҳокимлигининг фахрий ёрлиғи ҳамда "Realme C11" русумли телефон аппарати билан тақдирланган.
Маълуи қилинишича, мазкур ҳолат юзасидан Нуробод тумани ҳокимлиги томонидан ишчи гуруҳ тузилиб, ўрганиш ишлари олиб борилмоқда.
Натижалар бўйича қўшимча маълумотлар берилиши айтилади.
