Sevimli

Farzandlari nogiron ekanligini bilgan ayol o`z joniga qasd qildi

Jamiyat 20.01.2022, 00:11
Teglar: Buxoro
Farzandlari  nogiron ekanligini bilgan ayol o`z joniga qasd qildi

Gulbahor  Saidova 40 yoshida ilk bor 55 yoshli Dilshod Saidovga turmushga chiqdi. Ular 3  yil birga totuv oila bo`lib yashashdi. Ammo ular  farzandli bo`lishmadi. Bu haqda Zamon.uz xabar berdi.

Shundan  so`ng, ular EKO uslubidan  foydalanib sun`iy urug`lantirish orqali egizak o`g`il  farzandli bo`lishdi. 

Baxt uzoqqa cho`zilmadi. Chaqaloqlar 3 oylik bo`lganida  bolalar shifokori  ko`rik jarayonida egizaklarda nogironlik alomatlari borligini ma`lum qildi.  Ayol esa bu dardga bardosh berolmay  o`z joniga qasd qildi.

 Buxorolik Dilshod Saidovning  aytishicha,  ayolining yaqinlari bo`lib o`tgan ishlarda aynan uni ayblashayotgani  qattiq zarba bergan.

—   Men ayolimni juda qattiq hurmat qilganman va yaxshi ko`rganman. Umrimning eng yaxshi kunlarim shu ayolim bilan birga o`tdi.  Biz farzandlik bo`lishni judayam istagandik. Uch yil ichida olmagan muolajalarimiz, ko`rinmagan  shifokorlarimiz qolmadi. Keyin oxiri EKO degan usuldan foydalandik. Usul o`z samarasini berdi, biz farzandlik bo`ldik.

Farzandlarim 1 oylik bo`lganida injiqlik qilishni boshlashdi. Chaqaloqlarning   birida bo`yin qiyshayishi, ikkinchisida esa oyoq qiyshayish alomatlari yuzaga chiqa boshladi.  Ayolim bunday dardni ko`tarishga o`zida sabr topolmadi. O`zini osib qo`ydi.  Harbiy bo`lganim uchun birinchi yordam ko`rsatish usulidan xabarim bor edi.  Havo berdim, yurak massajini qildim,   ammo juda kech edi. Qo`limda ikki go`dak qolib ketdi.   Hattoki, meni ayolimning o`limida ham ayblashdi, farzandlarimni ham olib qo`yishmoqchi bo`lishdi.

Lola Isakova,   psixolog

—   Joniga qasd qiladigan odam  bir kunda joniga qasd qilmaydi, uning ruhiy holatida  o`zgarishlar bo`ladi.  Ya`ni odam o`zini o`ldirishga  ruhan tayyorlaydi. Ayol stressga, depressiyaga tushadi, bu o`zgarishlarni  turmush o`rtog`i sezmasligining iloji yo`q edi.  Men aminman, ayolida o`zgarish sezgan, lekin negadir psixologga olib bormay bunga ko`z yumgan.

Abdusamad Tog`aev, islomshunos

—   Inson tushkunlikka tushib qolsa yaqinlaridan panoh va najot  istay boshlaydi.  Agar ozgina ko`ngilga malham topa olsa, bu  yo`ldan qaytishi mumkin. O`tib ketadi,  deb e`tibor berilmasa inson o`z hayotini o`zi bilmagan xolda shaytonga topshirib qo`yar ekan. O`z joniga qasd qilishni  hayolidan o`tkazish eng katta gunoh.  Bu gunohga nafaqat o`zi balki yaqinlari va eng aziz insonlarini ham gunohkor qilib ketar ekan. Mana shu narsani o`ylash kerak.

Durdona Raxmatullaeva, Genekolog

—   Homilani, ya`ni, etilgan tuxumdon va spermatozoidni bachadon ichida emas, balki tashqarida urug`lantirib so`ng bachadonga implantasiya   qilib ekib qo`yish EKO deb aytiladi. EKO muolajasidan so`ng juftliklarga hech qachon farzanding 100 foiz sog`lom yoki nuqson  bilan tug`iladi, deb aytmaymiz. Ko`p holatlarda bola sog`lom dunyoga keladi, ba`zilarida esa  nuqsonlar keyinroq paydo bo`ladi.  Shu sabab biz oilalarni har qanday holatga tayyor bo`lishlarini avvaldan ogohlantiramiz. Bu jarayoni psixolog  bilan hamkorlikda olib boriladi.

Sharhlar

Buxoroda 29 yoshli yigit onasini pichoqlab o`ldirdi

03.10.2022, 15:55

Buxoroda o`g`il o`z onasining qotiliga aylandi. Bosh prokuratura matbuot xizmati "darakchi.uz"ga ushbu mudhish jinoyat tafsilotlarini ma`lum qildi. Aniqlanishicha, 2022 yil 28 sentyabr kuni soat 19:43 larda G`ijduvon...
Buxoroda hokimlikning tashkiliy kadrlar guruhi rahbari tadbirkorni bank oldida qarzdor qilib qo`yib, kredit mablag`ini o`zlashtirgani aniqlandi

06.09.2022, 11:37

Qorovulbozor tumanida tadbirkorni qarzdor qilib qo`ygan guruh rahbari aniqlandi. Bu haqda Bosh prokuratura huzuridagi Departament xabar qildi. Ma`lum qilinishicha, Departamentning Qorovulbozor tuman bo`limi tomonidan tadbirkorlik sub`ektlarining...
Buxorodagi qamishzorlarda yong`in sodir bo`ldi, 100dan ortiq qutqaruv xodimlari jalb etilgan

26.08.2022, 08:40

Buxoro viloyatidagi qamishzorlarda yong`in yuzaga keldi. Bu haqda FVV matbuot xizmati xabar qildi. Ma`lum qilinishicha, Buxoro viloyati Favqulodda vaziyatlar boshqarmasining navbatchilik qismiga Buxoro viloyati Peshku tumanidagi...
FIFA “Buxoro” futbol klubiga transfer taqiqi belgiladi

15.01.2022, 21:18

O`zbekiston Pro-ligasi ishtirokchisi "Buxoro" va turkmanistonlik darvozabon Rahat Japarov o`rtasidagi nizoli vaziyat yuzaga kelgan. FIFA mazkur vaziyat bo`yicha qaror chiqarib, klubga futbolchi oldidagi belgilangan qarzdorlikni...