Toshkent shahar hokimligi fuqarolardan daraxtlar atrofi zich qilib betonlangani yoki asfalt yotqizilayotganini ko`rganda Xalq Nazorati xizmatiga xabar berishlarini so`ramoqda.
"Afsuski, ko`pincha daraxtlarga mas`uliyatsiz munosabat uchraydi - zich qilib betonlash yoki daraxt tanasiga yaqin qilib asfalt yotqizish, bu sug`orish, tuproqning nafas olishi va daraxt o`sishi uchun joy qoldirmaydi. Ammo birgalikda biz daraxtlarni saqlab qolishimiz va beparvo quruvchilarning harakatlaridan zararni bartaraf etishimiz mumkin.
Sizlarni faol harakatga va befarq bo`lmaslikka chaqiramiz: Agar daraxtlar atrofi zich qilib betonlangani yoki asfalt yotqizilayotganini ko`rsangiz, Xalq Nazorati xizmatining maxsus bo`limiga xabar bering. U daraxtni betonlash haqidagi ma`lumotlarni maqsadli qayta ishlash uchun yaratilgan va to`g`ridan-to`g`ri ijrochilar bilan tezda bog`lanishga yordam beradi.
Xalq Nazorati → “Jamoat joyi” → “Ekologiya” bo`limi → “Betonlangan daraxt tanasi” bandini tanlang.
Daraxtlar bilan bog`liq muammolar haqida 268 ta xabarning 66 tasi betonlash bog`liq. 61 ta daraxt beton tutqunligidan ozod qilingan, qolgan 5 tasida ish jarayoni ketmoqda va nazorat ostida (31 may holatiga ko`ra).
Bunday muammolar haqida xabar beruvchi, ular bartaraf etilganidan keyin betondan ozod qilingan daraxtlarning fotosuratlarini e`lon qiluvchi Telegram-kanallarga minnatdorchilik bildiramiz. Echim yanada tezroq bo`lishi uchun esa, foydalanuvchilardan to`g`ridan-to`g`ri Xalq Nazorati'ga murojaat qilishlarini so`raymiz", - deyiladi xabarda.
Ma`lumot uchun: “Xalq nazorati” xizmati poytaxt aholisi va Toshkent shahridagi shahar xizmatlari xodimlarining samarali hamkorligi uchun interaktiv xizmatdir. 2021 yil 16 fevralda ishga tushirilgandan buyon 9222 nafar foydalanuvchi ro`yxatdan o`tgan bo`lib, ularning murojaatlari bo`yicha 8377 ta muammo bartaraf etilgan. Murojaatlarning aksariyati uy-joy kommunal xizmat ko`rsatish sohasiga tegishli.
22.04.2024, 15:52
Toshkent shahrida ijara narxlari pasayishda davom etmoqda. Bu haqda Makroiqtisodiy va hududiy tadqiqotlar instituti mutaxassislari ma`lum qildi. 2024 yil mart oyida fevralga nisbatan poytaxtda o`rtacha ta`mirlangan xonadonlar ijara...17.11.2023, 09:49
3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...10.11.2023, 12:45
Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...06.09.2023, 10:12
Kecha, 4 sentyabr kuni Toshkent shahri Mirzo Ulug`bek tumanida noma`lum shaxs pod`ezdga kirib ketayotgan qizga hujum qilgani haqida xabar qilingan edi. Ayni paytda Toshkent shahar IIB...