“O`zbekneftgaz” AJ Boshqaruv raisi Mehriddin Abdullaev topshirig`i bilan tizimidagi korxonalar tomonidan 2022 yilda mavjud ishlab chiqarish quvvatlaridan samarali foydalanib, qurilmalarni uzluksiz, bir maromda va to`xtalishlarsiz ishlatishni ta`minlash maqsadida bir qator chora-tadbirlar amalga oshirilmoqda.
Jumladan, Sho`rtan neft va gaz qazib chiqarish” boshqarmasi va Muborak gazni qayta ishlash zavodi(Muborak GQIZ)da mavjud propan-butan aralashmasini ajratib olish qurilmalarini modernizasiya qilish, Muborak GQIZ hamda Gazli neft va gaz qazib chiqarish boshqarmasida yangi qurilmalarni ishga tushirish investisiya loyihalarni amalga oshirish hisobidan joriy yilda 652,7 ming tonna suyultirilgan gaz ishlab chiqarish rejalashtirilgan.
2022 yilning yanvar-may oylarida “O`zbekneftgaz” AJ tasarrufidagi neft va gaz qazib chiqarish, qayta ishlash boshqarma va korxonalarida suyultirilgan gaz ishlab chiqarish reja ko`rsatkichi 270,5 ming tonna belgilangan bo`lib, amalda 288,9 ming tonna rejaga nisbatan 106,8% (o`sish sur`ati 109,8%) ishlab chiqarildi.
Shuningdek Respublika iste`molchilariga 267,7 ming tonna suyultirilgan gaz etkazib berish rejalashtirilgan bo`lib, amalda 277,6 ming tonna, rejaga nisbatan 103,7% (o`sish sur`ati 107,2%) etkazib berildi.
Shu bilan birga birinchi navbatda aholining maishiy ehtiyoji va ijtimoiy soha ob`ektlari uchun “Hududgazta`minot” AJning hududiy gaz ta`minoti filiallariga suyultirilgan gaz mahsuloti kelishilgan jadvallar asosida 249,6 ming tonna (o`sish surati 102,4%) etkazib berildi.
Xususan, aholi va kommunal soha ob`ektlarini suyultirilgan gazga bo`lgan ehtiyojini qondirishga qaratilgan ushbu loyihalar natijasida gazni qayta ishlash zavodlaridagi gaz tarkibidan propan-butan aralashmalari ajratib olish qurilmalarining quvvatlari oshirilmoqda.
2019-2022 yillarda aholining maishiy ehtiyoji va ijtimoiy soha ob`ektlari uchun “Hududgazta`minot” AJning hududiy gaz ta`minoti filiallariga etkazib berilgan suyultirilgan gaz miqdorlari taxlili quyidagilarni tashkil etadi.
“O`zbekneftgaz” AJning boshqarma va korxonalari tomonidan suyultirilgan gaz ishlab chiqarish quvvatlarini yanada oshirish va Respublikaning barcha turdagi iste`molchilariga belgilangan miqdorlarda uzluksiz etkazib berish bo`yicha tizimli ishlar olib borilmoqda.
