“O`zbekneftgaz” AJ Boshqaruv raisi Mehriddin Abdullaev boshchiligidagi “Ishchi guruh” a`zolari tomonidan Qashqadaryo viloyati G`uzor tumanida joylashgan “Uzbekistan GTL” zavodidagi ishlar holati o`rganildi.
“Uzbekistan GTL” zavodida O`zbekiston tarixida birinchi sintetik neft ishlab chiqarilishi boshlangan edi. Oradan ko`p vaqt o`tmasdan, 2022 yilning 29 iyun kuni “Uzbekistan GTL” zavodida O`zbekiston neft va gaz-kimyosi sanoatining tarixda birinchi sintetik GTL dizel mahsuloti ishlab chiqarilgani va ilk mahsulot olinganligini e`lon qilingan edi.
Bugungi kunga qadar, ya`ni ikki hafta ichida Uzbekistan GTL zavodida jami 15 ming tonnaga yaqin sintetik dizel yoqilg`isi va 4 ming tonnadan ziyod nafta mahsuloti ishlab chiqarildi.
Zavodning barcha texnologik qurilmalari ishchi holatda bo`lib bosqichma-bosqich ishlab chiqarish hajmlari oshirilib bormoqda. Boshqaruv raisi joriy yilning 4 iyul kunidan boshlab O`zbekiston respublika tovar-xom ashyo birjasining birja savdolari orqali ilk bor GTL dizel yoqilg`isi sotilishi boshlanganini ta`kidlab, qisqa muddat ichida ya`ni jami 9,5 ming tonnaga yaqin sintetik dizel sotilganini ma`lum qildi.
“Ishchi guruh” tomonidan “Uzbekistan GTL” zavodida sintetik dizel yoqilg`isi ishlab chiqarish va uni sotish hajmini oshirish borasida amalga oshirilayotgan ishlar holati o`rganildi.
Tashrif davomida, zavodning O`zbekiston akkreditasiya markazi tomonidan milliy akkreditasiyadan o`tgan markaziy laboratoriyasida yakuniy tayyor mahsulotlarni belgilangan standartlarga javob berishini va muvofiqligini tasdiqlash yuzasidan olib boriladigan laboratoriya sinovlari, iste`molchilarga etkazib berish va yuklash jarayonlari bilan yaqindan tanishib chiqildi.
O`z navbatida, “O`zbekneftegaz” AJ Boshqaruvi raisi boshchiligida zavodning ishlab chiqarish sexlari boshliqlari va rahbar xodimlar ishtirokida ishchi yig`ilish bo`lib o`tdi.
Mazkur yig`ilish mobaynida GTL sintetik yoqilg`i mahsulotlarini ishlab chiqarilishini uzluksizligini ta`minlash va iste`molchilarga o`z vaqtida hamda sifatli yoqilg`i mahsulotlarni etkazib berilishiga doir zaruriy ko`rsatmalar berildi.
Shuningdek, “Uzbekistan GTL” “premium-klass” toifasidagi sintetik dizel yoqilg`isini O`zbekiston Respublikasi tovar-xom ashyo birjasining savdo platformalari orqali sotilishi bo`yicha doimiy monitoring o`tkazish, iste`molchilar talabiga qarab ishlab chiqarish hajmini oshirib bo`yicha topshiriqlar berildi.
GTL dizelini “Navoiy KMK” AJ, “Navoiyuran” DK, “Olmaliq KMK” AJ, “O`zneftgazquduqta`mirlash” AJ, “O`zneftgaz burg`ulash ishlari” MChJ,“O`zbekiston temir yo`llari” AJ, “Temiryo`lyonilg`ita`min” boshqarmasi, “Uzkabel” AJ QK, “Yangi Angren IES” AJ, “Sho`rtan GKM” MChJ sotib olgan bo`lib, mahsulotni iste`molchilariga o`z vaqtida va operativ tarzda etkazish maqsadida “O`zbekiston temir yo`llari” AJ bilan yaqindan hamkorlik o`rnatilgan.
Barcha temir yo`l bilan bog`liq tashkiliy va logistika masalalari, shu jumladan zavodning temir yo`l infratuzilmasining ekspluatasiyasi autsorsing shartnomasi asosida amalga oshirilmoqda.
Boshqaruv raisi yuqori xalqaro standartlarga javob beradigan GTL mahsulotlari birinchi navbatda, respublikaning neft mahsulotlariga, xususan, dizel yoqilg`isi va kerosinga, shuningdek, suyultirilgan gazga bo`lgan ichki ehtiyojini qoplash uchun etkazib berilishi va uning logistikasiga amaliy yordam berish uchun Buxoro neftni qayta ishlash zavodi rahbari A.Fozilov ma`sulligi belgilab qo`yildi.
Hozirda, GTL dizeli “Rise Oil Terminal”, “Magic Black Oil”“Energie-Group”, “Max Oil” MChJlari hamda hududiy neft bazalar, jumladan “Qarshi neft bazasi”, “Urganch neft bazasi”, “Kuchlik neft bazasi”, “Navoiy neft bazasi”, “Chinobod neft bazasi”, “Termiz neft bazasi”,“To`raqo`rg`on neft bazasi”, “Guliston neft bazasi” MChJ tomonidan birja savdolari orqali doimiy ravishda sotib olinmoqda.
