“O`zbekneftgaz” AJ Boshqaruvi raisi Mehriddin Abdullaev boshchiligidagi delegasiya Londonda “Vinson & Elkins” tashkiloti rahbariyati bilan uchrashdi

Iqtisodiyot 16.07.2022, 17:19
“O`zbekneftgaz” AJ Boshqaruvi raisi Mehriddin Abdullaev boshchiligidagi delegasiya Londonda “Vinson & Elkins” tashkiloti rahbariyati bilan uchrashdi

Evroobligasiyalar egalari bilan doimiy mustahkam aloqada bo`lib turish, ularni “O`zbekneftgaz” AJning joriy moliyaviy-xo`jalik faoliyati borasida muntazam xabardor qilib borish maqsadida ikkitomonlama uchrashuvlar tashkil qilindi. Shuningdek, amaldagi hamkorlar va hamkorlik qilish rejalashtirilgan investisiya salohiyati yuqori bo`lgan kompaniya vakillari bilan ham muhim uchrashuvlar o`tkazildi.

“O`zbekneftgaz” AJ Boshqaruv raisi Mehriddin Abdullaev boshchiligidagi delegasiya a`zolari Angliyaning London shahrida “Vinson & Elkins” yuridik firmasining Londondagi ofisi vakillari bilan uchrashdi.

“Vinson & Elkins” vakillari jamiyatning joriy faoliyati, amalga oshirilayotgan transformasion loyihalar, shuningdek, so`nggi yillarda erishilgan natijalar bilan tanishtirildi. Tomonlar mavjud hamkorlikning samaradorligi, uzoq yillik muvaffaqiyatli hamkorlik, o`zaro tajriba almashinuv va boshqa ko`pgina masalalarni muhokama qilishdi.

“O`zbekneftgaz” AJ vakillari “Uzbekistan GTL” loyihasini amalga oshirish jarayonida bebaho yordam ko`rsatgan “Vinson & Elkins” yuristlarining, shu jumladan firma xodimlarining professionalligini yuqori baholab, ularga minnatdorchilik izhor etildi.

Bundan tashqari, “O`zbekneftgaz” AJ delegasiyasi a`zolari hamkorlikni yanada rivojlantirishga qiziqish bildirdilar, bu esa o`z navbatida “Vinson & Elkins” tomonidan qo`llab-quvvatlandi.

Uchrashuv doirasida tomonlar qo`shma loyihalarning hozirgi holati, yangi istiqbolli yo`nalishlar, yuzaga kelgan vaziyat va mavjud sanksiyalar xavfi tufayli xalqaro bozorlarda beqaror iqtisodiy vaziyatni ham tahlil va muhokama qildilar.

Ma`lumot uchun: “Vinson & Elkins” (yoki V&E) xalqaro huquq firmasi bo`lib, butun dunyo bo`ylab 700 dan ortiq yuristlarga ega bo`lib, uning shtab — kvartirasi Xyuston shahrida (AQSh) joylashgan.

“Vinson & Elkins”ning dunyodagi eng yirik energiya, moliyaviy va siyosiy markazlarda vakolatxonalari bor, shu jumladan Xyuston, Ostin, Dallas, Los Anjeles, Nyu-York, Richmond, San-Fransisko, Vashington (AQSh), London (Buyuk Britaniya), Dubay (BAA), Riyoz (SAQ) va Tokioda (Yaponiya).

Sharhlar