O`zbekiston Respublikasi Oliy Majlisi Qonunchilik palatasining navbatdagi majlisida deputatlar “Farg`ona viloyatining O`zbekiston, Uchko`prik, Dang`ara, Farg`ona, Toshloq, Qo`shtepa tumanlari, Qo`qon, Marg`ilon va Farg`ona shaharlari hududi chegaralarini o`zgartirish to`g`risida”gi Qonunchilik palatasi qarori loyihasini ko`rib chiqishdi.Bu haqda quyi palata matbulot xizmati xabar bermoqda.
Ma`lum qilinishicha, mazkur hujjatda hududlarning yaxlitligi, ma`muriy-hududiy birliklaridagi davlat boshqaruvining samaradorligi hamda ma`muriy- hududiy birliklarining ijtimoiy-iqtisodiy rivojlantirilishi asosiy tamoyillardan biri hisoblanishi belgilanmoqda.
Ushbu qarorning qabul qilinishi Farg`ona viloyati ma`muriy-hududiy birliklar chegaralarini tartibga solish, mahalliy davlat hokimliklari organlari tomonidan hudud boshqaruvini yanada soddalashtirishga olib keladi. E`tiborli tomoni, Farg`ona viloyati shaharlari va tumanlari chegarasidagi muammoli masalalarni echish, aholi turmush darajasi sifatini oshirish, ijtimoiy infratuzilmalar hamda yo`l xo`jaligini tubdan yaxshilashga xizmat qiladi.
Majlisda qaror loyihasi qabul qilindi.
