“O`zbekneftgaz”: Mehriddin Abdullaev boshchiligidagi delegasiya Rossiyadagi amaliy tashrif doirasida quvur ishlab chiqarish zavodlarida bo`ldi

Iqtisodiyot 23.08.2022, 14:59
“O`zbekneftgaz”: Mehriddin Abdullaev boshchiligidagi delegasiya Rossiyadagi amaliy tashrif doirasida quvur ishlab chiqarish zavodlarida bo`ldi

“O`zbekneftgaz” AJ Boshvaruv raisi Mehriddin Abdullaev boshchiligidagi delegasiya a`zolari amaliy tashrif doirasida Rossiya Federasiyasidagi “Trubnaya Metallurgicheskaya Kompaniya”siga qarashli ishlab chiqarish korxonalarida bo`ldi.

Tashrif doirasida “O`zbekneftgaz” AJ Boshqaruvi raisi boshchiligidagi delegasiya Sverdlovsk viloyati Polevskoy shahridagi “Severskiy trubny zavod” (STZ) va Chelyabinskdagi “Chelyabinskiy trubny zavod” (ChTPZ) ga tashrif buyurdi.

“Severskiy trubny zavod”da delegasiya vakillari energetika, mashinasozlik va sanoatning boshqa tarmoqlari uchun choksiz po`lat quvurlar ishlab chiqaradigan elektr po`lat eritish va quvur prokat sexlarining quvvatalari bilan tanishishdi.

“Chelyabinskiy trubny zavod”i qilingan tashrifda katta diametrli payvandlangan quvurlarni ishlab chiqarish sexi va sexda amalga oshirilayotgan ishlar o`rganildi.

Ishlab chiqarish zavodlariga tashrif 2021 yilda “TMK” va “O`zbekneftgaz” o`rtasida imzolangan hamkorlik shartnomasini amalga oshirish doirasida tashkil etildi.

Unda tomonlar uzoq muddatli hamkorlik tamoyillari va “TMK”ning quvur mahsulotlarini amalda qo`llashning istiqbolli yo`nalishlarini izlash bo`yicha hamkorlik masalalarini kelishib oldilar.

Ta`kidlash joiz, “TMK” kompaniyasi 2001 yilda tashkil etilgan bo`lib, quvur mahsulotlari ishlab chiqarish hajmi bo`yicha dunyoning etakchi korxonalaridan sanaladi. Ushbu kompaniya tomonidan dunyo bozoridan farqli o`laroq, arzon narxlarda har xil tipdagi neft va gaz sanoati quvurlarini etkazib berish bo`yicha kelishuvga erishilgan edi.

Sharhlar