“O`zbekneftgaz”: ESG standartlarini joriy etish bo`yicha ishlar jadal olib borilmoqda

Iqtisodiyot 27.08.2022, 16:37
“O`zbekneftgaz”: ESG standartlarini joriy etish bo`yicha ishlar jadal olib borilmoqda

Bugungi kunda xalqaro moliya institutlari kompaniya va qimmatli qog`ozlarni tanlashda ustuvor ahamiyat beradigan asosiy mezonlaridan biri ESG tamoyillariga muvofiqlikdir. O`zbekistonda olib borilayotgan islohotlar va yirik xalqaro loyihalarga sarmoya jalb etish maqsadida ESG standartlari joriy etilishi talab etilmoqda.

“O`zbekneftgaz” AJ Boshqaruvi raisi Mehriddin Abdullaev tashabbusi bilan IPOga chiqish orqali xalqaro kredit reytingini mustahkamlash maqsadida uzoq va o`rta muddatli strategiya ishlab chiqish va xalqaro reyting agentliklaridan Barqaror rivojlanish reytingini (ESG) olishni rejalashtirmoqda.

Shu o`rinda "O`zbekneftgaz" AJda xalqaro maslahatchilar tavsiyalari asosida quyidagi tadbirlar amalga oshirilgan:

- ESG standartlarini joriy etish bo`yicha mas`ul mustaqil bo`linma tuzilgan.

- Kompaniyaning ESG maqsadlari va ularning ko`rsatkichlari tasdiqlangan.

- ESG tamoyillarini joriy qilish bo`yicha dastlabki "yo`l xaritasi" tasdiqlangan. Ushbu yo`l xaritada ESG hisobotini tuzishda va ESG reytingini olishni qo`llab-quvvatlashda xalqaro konsalting kompaniyasini jalb qilish ko`zda tutilgan.

Bo`lim mutaxassislari "O`zbekneftgaz" AJda bajarilayotgan ishlar bo`yicha vazirliklar tomonidan tashkil qilinayotgan tadbirlarda ESG yo`nalishi bo`yicha o`z bilim va tajribasi bilan almashib kelishmoqda.

Jumladan, Iqtisodiy taraqqiyot va kambag`allikni qisqartirish vazirligi tomonidan Osiyo taraqqiyot banki bilan hamkorlikda malakali xorijiy ekspertni jalb qilgan holda joriy yilning 25 avgust kuni "ESG siyosati, metodologiyasi va davlat korxonalari uchun echimlari" mavzusi bo`yicha onlayn seminar tashkil etildi, seminarda quyidagi masalalar muhokama qilindi:

- davlat korxonalarida ESG tamoyillarini kiritish darajasini, maqsadlarini va rejalarini o`rganish;

- ESG sertifikatiga erishish uchun davlat korxonalari foydalanishi mumkin bo`lgan joriy eng yaxshi xalqaro ESG amaliyotlarini va reyting tizimlarini ko`rib chiqish.

Ushbu seminarda "O`zbekneftgaz" AJ ESG bo`limi boshlig`i "ESGni joriy etish yo`l xaritasi va ESG reyting" mavzusida konsalting kompaniyalar bilan ishlash tajribasi va erishilgan natijalari haqida taqdimot o`tkazdi.

"O`zbekneftgaz" AJ Boshqaruvi raisining topshirig`i bilan jamiyatda ESG maqsadlariga erishish uchun bajarilayotgan loyihalar, shu jumladan parnik gazlari emissiyalarini kamaytirish, resurslardan oqilona foydalanish, kompaniya uglerod izini kamaytirish va qayta tiklanuvchi energiya manbalarini keng qo`lamda joriy qilishga qaratilgan chora-tadbirlar muhokama qilindi.

“O`zbekneftgaz” AJda ESG tamoyillarini joriy etishga qaratilgan tadbirlar tasdiqlangan rejalarga muvofiq davom ettiriladi.

Sharhlar