“O`zbekneftgaz”: Boshqaruv raisi “Sho`rtan” regionidagi konlarda tabiiy gaz qazib chiqarish borasidagi ishlar holatini o`rgandi (Foto)

Iqtisodiyot 31.08.2022, 11:14
“O`zbekneftgaz”: Boshqaruv raisi “Sho`rtan” regionidagi konlarda tabiiy gaz qazib chiqarish borasidagi ishlar holatini o`rgandi (Foto)

“O`zbekneftgaz” AJ Boshqaruv raisi Mehriddin Abdullaev boshchiligidagi “Ishchi guruh” Sho`rtan neft va gaz qazib chiqarish boshqarmasi konlarida bo`ldi.

Ushbu tashrif davomida “Sho`rtan” konida amalga oshirilayotgan ishlar holati bilan tanishildi.

Jumladan, tabiiy gaz tarkibidan texnologik suv va mexanik birikmalarni ushlab qolish va tabiiy gaz qazib olish barqarorligini oshirish maqsadida 3-sonli gazni yig`ish joyida “O`zbekneftgaz” AJning ichki imkoniyatlaridan kelib chiqib, qisqa muddatda Gazni birlamchi tayyorlash qurilmasi hamda “Sho`rtan” konidagi quvurlarda gaz siqilib qolishni olidini olish maqsadida 4-sonli gaz yig`ish punktida qo`shimcha d-426mm bo`lgan 8,8 km gaz quvuri qurib ishga tushirilgan edi.

“Ishchi guruh” a`zolari tomonidan amalga oshirilgan ishlar holati va qazib chiqarishdagi o`zgarishlar yuzasidan o`rganish ishlari olib borildi.

Shuningdek, Boshqaruv raisi tomonidan ishga tushirilgan Gazni dastlabki tayyorlash qurilmasini barcha texnologik ko`rsatkilarini raqamlashtirish doirasida dispetcherlik markaziga ulash va tabiiy gaz xajmlarini onlayn nazorat qilish yuzasidan ishlarni tashkil etish masalasida topshiriqlar berildi.

Shundan so`ng, “Sho`rtan” konining chuqur qatlamlari istiqbolligini o`rganish maqsadida olib borilayotgan ishlar bilan tanishish maqsadida “ishchi guruh” konning “Terrigen-yura” qatlamini o`rganish bilan neft-gaz zahiralarini o`stirish bo`yicha burg`ilash ishlari boshlangan “Terrigen-1” izlov-qidiruv qudug`ida bo`ldi.

“Sho`rtan” hududidagi konlar, xususan “Sho`rtan” koni Sho`rtan gaz-kimyo majmuasi va ushbu kompleks bazasida yangidan ishga tushirilayotgan GTL zavodining ham xomashyo bazasi hisoblanadi.

Uglevodorodlar zaxiralarini ko`paytirish bo`yicha ishlab chiqilgan Dastur asosida “Sho`rtan” konida 3D seysmika-geofizika ishlari amalga oshirilib olingan natijalar tahlili asosida ushbu “Terrigen-1” qudug`ini burg`ilash ishlari boshlangan.

Shu bilan birga “Sho`rtan” konidagi burg`ilash ishlari olib borilayotgan 370-, 374-sonli yangi ishlatish quduqlarini burg`ilashdan so`ng o`zlashtirish va quduqlarni ishlab chiqarishga qo`shish jarayonlari bilan tanishdi.

O`rganishlar davomida pudratchi burg`ilash tashkilotlari va tegishli departament boshliqlari bilan konlarda va yangi maydonlarda olib borilayotgan quduqlarni burg`ilash va murakkab ta`mirlash ishlari muammoli masalalar muhokama qilinib ishlarni jadallashtirish bo`yicha tegishli ko`rsatmalar berildi.

Boshqaruv raisi vaxta uslubida ishlayotgan ishchi-xodimlari bilan suhbatlashib, ularga har doim yordamga tayyor ekanligini bildirdi. Eslatib o`tamiz, Qashqadaryo viloyati hududidagi konlar va quduqlarda qazib chiqarish holati o`rganilishi davom etadi.

Sharhlar