“O`zbekneftgaz”: Boshqaruv raisi boshchiligidagi “Ishchi guruh” tomonidan Buxoro neftni qayta ishlash zavodidagi ishlab chiqarish, rekonstruksiya va modernizasiya ishlari holati o`rganildi

Iqtisodiyot 02.09.2022, 11:36
“O`zbekneftgaz”: Boshqaruv raisi boshchiligidagi “Ishchi guruh” tomonidan Buxoro neftni qayta ishlash zavodidagi ishlab chiqarish, rekonstruksiya va modernizasiya ishlari holati o`rganildi

“O`zbekneftgaz” AJ Boshqaruv raisi Mehriddin Abdullaev boshchiligidagi “Ishchi guruh” a`zolari Qashqadaryo viloyatida tabiiy gaz qazib chiqrish holati bo`yicha o`rganish ishlarini yakunlab, Buxoro neftni qayta ishlash zavodida o`rganish ishlarini davom ettirdi.

“O`zbekneftgaz” AJ Boshqaruv raisining zavodga amaliy tashrifi doirasida korxona mutaxassislari bilan uchrashib, barcha ishchi-xodimlarni Mustaqillik bayramining 31 yilligi hamda Zavodning 25 yilligi tabriklab, so`ngra zavodning joriy faoliyatiga oid muhim masalalar muhokama qilindi.

Asosiy e`tibor joriy yilning 8 oyi yakunlari, iqtisodiy va ishlab chiqarish ko`rsatkichlari haqidagi masalalarga qaratildi.

Tashrif davomida “O`zbekneftgaz” AJ Boshqaruvi raisi bayram kunlarida barcha soha ob`ektlarining ishonchli ishlashini ta`minlash, ishlab chiqarish jarayonlari holatini doimiy nazorat qilib borish zarurligini ta`kidladi.

Boshqaruv raisi boshchiligidagi “Ishchi guruh” a`zolari ishlab chiqarish ko`rsatkichlarining bajarilishi, modernizasiya ishlari holatini o`rganish maqsadida Buxorodagi qayta ishlash korxonalari faoliyati bilan ham tanishdi. Dastlab, Qorovulbozor shahridagi quyish-to`kish estakadasining rekonstruksiya qilish ishlari holati joyida o`rganildi.

Qurilmaning asosiy strukturalari ko`zdan kechirildi va bugungi kunga qadar amalga oshirilgan qurilish hajmlari namoyish qilindi.

“O`zbekneftgaz” AJ Boshqaruv raisiga korxonada rahbarlar navbatchiligi, tezkor otryadlarning kechayu kunduz navbatchiligi, bayram kunlarida uzluksiz ishlash uchun moddiy-texnik resurslar, avtotransport vositalari tashkil etilgani, zarur zaxiralar yaratilgani haqida hisobot berildi.

Boshqaruv raisi tomonidan Buxoro neftni qayta ishlash zavodidagi ishlab chiqarish, rekonstruksiya va modernizasiya ishlari holatiga doir ko`rsatmalar berildi.

“O`zbekneftgaz” AJ Boshqaruv raisi topshirig`i asosida ayni paytda zavodda umumiy maydoni 15,75 gektarni tashkil qiluvchi quyish-to`kish estakadasini rekonstruksiya qilish ishlari olib borilmoqda va foydalanilmayotgan sig`imlar demontaj qilinib, texnologik quvurlar o`rnatilmoqda.

Maydonda sig`imlar parki, ob`ekt infratuzilmasi, ko`pikli yong`in o`chirish tizimining qurilish, qayta tiklash, temir yo`l relslarini yotqizish ishlari olib borilmoqda. Aytish joizki, ishlarning katta qismini zavod mutaxassislari hamda ishchi-xodimlari tomonidan amalga oshirilmoqda.

Ma`lumot uchun: quyish-to`kish estakadasi xom-ashyoni qabul qilish, saqlash va tayyor mahsulotlarni jo`natish uchun mo`ljallangan. Shu bilan birga, bu erda sisterna va avtosisternalardan quyish-to`kish bo`yicha ishlar amalga oshirilishi mumkin.

Sharhlar