1

Soliq tizimida faoliyat olib boruvchi xotin-qizlarga ko`mak beruvchi yangi platforma yaratildi

Jamiyat 04.10.2022, 20:27
Teglar: Soliq, bot
Soliq tizimida faoliyat olib boruvchi xotin-qizlarga ko`mak beruvchi yangi platforma yaratildi

2022 yil 4 oktyabr kuni Davlat soliq qo`mitasida “Innovasion yondashuv va kreativ fikrlash – yuksak natija omili” mavzusidagi Respublika seminar-treningi tashkil etildi.

Oila va xotin-qizlar davlat qo`mitasi bilan hamkorlikda o`tkazilgan seminar davomida Davlat soliq qo`mitasida ayollarni qo`llab-quvvatlash, ularning og`irini engil qilish nuqtai nazaridan  qo`mitada yo`lga qo`yilayotgan innovasion loyihalar taqdimot shaklida tadim etildi. 

Qayd etilishicha, hozirgi kunda davlat soliq xizmati organlarida jami 12 857 kishi mehnat qilayotgan bo`lsa, shundan 2208 nafari, ya`ni 17,2 foizi ayollardir.

Tizimda faoliyat ko`rsatayotgan rahbar xodimlar 2829 kishi bo`lsa, shundan 136 nafari ayollardan iborat. Bundan tashqari, rahbarlik lavozimiga zaxiraga olinganlarning 83 nafarini aynan xotin-qizlar tashkil etgan bo`lib, “Soliq inspeksiyasini ayollar ham boshqara oladi” shiori ostida ular mas`ul lavozimlarga tavsiya etilmoqda. 

Soliq tizimida faoliyat olib boruvchi xotin-qizlar manfaatiga xizmat qiluvchi g`oyalarni o`zida mujassamlashtirgan mazkur taqdimotda uchta muhim yo`nalish qamrab olindi.

BIRINChI YO`NALISh

“Soliq xizmatidagi ayollar” nomli elektron platforma yaratilib, hozir uni takomillashtirish bo`yicha kuchli mutaxassislarni jalb qilingan hoa qizg`in ishlanayapti. Bu loyihaning dolzarb jihati shundaki, unda soliqchi ayollar haqida ma`lumot onlayn tarzda jamlanadi. Misol uchun, “E-kadr”ga 10-15 ta ma`lumot kiritilgan bo`lsa, ushbu platformaga har bir xotin-qiz haqida kamida 30 ta ma`lumot kiritiladi.

Unda, avvalo, ayollarning oilaviy ahvoli tahlil qilinadi. Uyida nogiron bor-yo`qligi, yolg`izligi yoxud boquvchisining sharoiti, dekret vaqtidagi imkoniyatlari, yosh kesimida chet tillarini o`rganish xohishi, magistraturada yoki bakalavrda maxsus sirtqi ta`lim shaklida o`qishga intilishi, uy-joy va moddiy yordam bilan bog`liq holati, subsidiya va kreditga ehtiyojiga, garov ta`minotiga oid ma`lumotlar alohida-alohida grafalarda kiritiladi.

Xullas, bugun davlat soliq xizmati organlarida mehnat qilayotganlarning 17,2 foizi – ya`ni, 2208 nafari xotin-qizlar ekan – ularning barchasi haqidagi elektron ma`lumotlar ana shu platformada to`planadi. Undan foydalanish esa imkon qadar qulaylashtiriladi.

IKKINChI YO`NALISh

“Soliqchi xotin-qizlar murojaatlari” nomli telegramm-bot tashkil qilindi. Har bir ayol shaxsini tasdiqlovchi ma`lumot (JShShIR) orqali bu botga bemalol kirib murojaat yo`llaydi. Uning murojaati qisqa muddatda ko`rib chiqilib, ijobiy hal qilish choralari ko`riladi.

UChINChI YO`NALISh

“Soliq xizmatining ayollar qanoti” jamoat tashkiloti ta`sis qilinib, Adliya vazirligida 2022 yil 20 sentyabr kuni rasman ro`yxatga olindi. Gap shundaki, mana shu NNTni ochish uchun serg`ayrat soliqchi ayollarning o`zlari tashabbus ko`rsatishdi va o`zlari jamoaviy ta`sischi vazifasini bajarib berishdi.

Soliqchi ayollarning jamiyatdagi mavqeini ko`tarishga, ularning raqamli iqtisodiyotni rivojlantirishga oid malakalarini oshirishga ko`maklashish, tizimda olima ayollar ulushini sezilarli ravishda ko`paytirish uchun ilmiy intilishlarni har tomonlama qo`llab-quvvatlash, xotin-qizlarning soliq savodxonligini oshirish yuzasidan o`quv kurslari tashkil etish va boshqa yana ko`plab yo`nalishlar ushbu NNTning asosiy maqsad va vazifalari sirasiga kiradi.

Gavharxon Muqaddasova, Davlat soliq qo`mitasi raisi maslahatchisi:

— Mana shu uch muhim yo`nalish xotin-qizlar bilan ishlashda biri ikkinchisini to`ldiruvchi va mavjud muammoning echimiga eltuvchi aylanma harakat vazifasini bajaradi – telegramm-botga murojaat yo`lllagan ayolning oilaviy ahvoli va shart-sharoiti elektron platformadagi ma`lumotlar orqali aniq tahlil qilinadi hamda NNTning imkoniyat va resurslari orqali echiladi. Dastlab bu loyiha 8 mart — Xotin-qizlar bayramida Davlat soliq qo`mitasi raisi tomonidan qo`llab-quvvatlangan edi va biz o`sha kundan boshlab ushbu loyihani amalga oshirishga bel bog`ladik, sal avval, 20 sentyabr kuni “Soliq xizmatining ayollar qanoti” nodavlat tashkilotini ro`yxatdan o`tkazishga erishdik. Endilikda biz yaratgan bot orqali, tizimda ishlovchi ayollarimizning muammo va masalalarini hal etishning samarali usuli yo`lga qo`yiladi. Hozir bazamizga ayollarimiz ro`yxatini kiritish boshlandi. Seminarda qilingan taqdimotda Oila va xotin-qizlar davlat qo`mitasi raisi tomonidan bizning loyiha qo`llab-quvvatlanib, boshqa vazirlik va tashkilotlarga ham tadbiq etilishi bo`yicha tavsiya berildi. 

 

Sharhlar

O`zini o`zi band qilganlarning 100 mln so`mdan ortiq daromadi qanday soliqqa tortiladi?

22.04.2024, 09:08

Joriy yilda Soliq kodeksiga o`zgartirishlar kiritildi. Endilikda o`zini o`zi band qilgan shaxslarning daromadi 100 mln so`mdan oshganda yakka tartibdagi tadbirkorlar uchun belgilangan tartibda soliq to`lashga o`tadi.Ijtimoiy...
Soliq tizimida 10 ga yaqin xodim ishdan olindi, 10 nafarining maxsus unvoni pasaytirildi, yana 10dan ortig`i esa...

29.09.2022, 13:02

Joriy yilning 28 sentyabr kuni Davlat soliq qo`mitasi Raisi Sherzod Kudbiev rahbarligida QQS manfiy farq summalarini qoplab berish bo`yicha tadbirkorlik sub`ektlarining murojaatlarini ko`rib chiqilishiga bag`ishlangan...
Endi "taksist"lar o`zini o`zi band qilishi mumkin. DSQ lisenziya varaqasi qanday olinishini ma`lum qildi

07.09.2022, 11:25

2022 yil 1 sentyabrdan 2024 yil oxiriga qadar haydovchidan tashqari 4 tadan ortiq bo`lmagan o`rindiqlarga ega engil avtotransport vositalarida yo`lovchilarni tashuvchilar o`zini o`zi band qilishi...
Mobil aloqa xizmatlariga nisbatan soliq stavkasi kamaytirildi

27.07.2022, 12:18

Qonun (O`RQ-785-son, 26.07.2022 y.) bilan Soliq kodeksiga qo`shimcha va o`zgartirishlar kiritildi. Bu haqda Adliya vazirligi xabar bermoqda. Unga ko`ra, mobil aloqa xizmatlariga nisbatan soliq stavkalari 10...
Ob-havo: Toshkent
Valyuta kursi
1