Turkiyaning Istanbul shahri markazidagi Istiqlol ko`chasida uyushtirilgan hujumda gumonlanuvchini qo`lga olindi, deya xabar bermoqda “Anadolu”ga tayanib "interfax".
Ma`lum qilinishicha, ichki ishlar vaziri Sulaymon Soylu yakshanba kuni Istanbulning Istiqlol xiyobonida portlashga sabab bo`lgan bombani qoldirgan shaxs polisiya tomonidan qo`lga olinganini xabar qilgan.
Turkiya vise-prezidenti Fuat O`qtay agentlikka bu voqea terrorchilik harakati sifatida baholanishini aytdi.
"Biz buni terrorchilik harakati deb bilamiz. Hujumchi, bu ayol bo`lganiga ishonamiz, bombani portlatgan", - deya qo`shimcha qildi O`qtoy.
Turkiya sog`liqni saqlash vaziri Fahrettin Koja yakshanba kuni kechqurun tvitterdagi sahifasida portlashda jarohat olgan 81 kishidan 42 nafari shifoxonada qolayotganini ma`lum qildi.
“Besh nafari hamon reanimasiya bo`limida, ikki nafarining ahvoli og`ir”, — dedi u va ularga barcha zarur yordam ko`rsatilayotganini qo`shimcha qildi.
Eslatib o`tamiz, Istanbul markazida, gavjum Istiqlol ko`chasida, Beyog`lu tumanidagi Taksim maydoni yaqinida portlash sodir bo`ldi.
Bu sayyohlar orasida eng mashhur yo`nalishlardan biridir. Bundan tashqari, ushbu ko`chada Rossiya konsulligi joylashgan. Turkiya matbuotiga ko`ra, hodisa oqibatida 6 kishi halok bo`lgan, 81 kishi jarohatlangan.
Portlash oqibatida 6 kishi halok bo`lgan, 81 kishi jarohatlangan.
