40 ta vagondan iborat birinchi yuk poezdi Turkiya, Eron, Turkmaniston bo`ylab harakatlanib O`zbekistonga etib keldi

Iqtisodiyot 03.12.2022, 14:20
40 ta vagondan iborat birinchi yuk poezdi Turkiya, Eron, Turkmaniston bo`ylab harakatlanib O`zbekistonga etib keldi

Bugun, 3 dekabr kuni Toshkent markaziy temir yo`l vokzalida “Turkiya-Eron-Turkmaniston-O`zbekiston” yangi temir yo`l yo`nalishining ochilishiga bag`ishlab tantanali tadbir tashkil qilindi. Tadbirda dastlab Turkiyadan O`zbekistonga qarab yo`lga chiqqan birinchi yuk poezdini (Samarqand shahrida bo`lib o`tgan Turkiy davlatlar tashkilotining temir yo`l ma`muriyatlari rahbarlarining birinchi uchrashuvida e`lon qilingan tashabbuslarni amalga oshirish hamda muqobil yo`nalishlar bo`yicha davlatlararo transportni tashkil etish bo`yicha kompleks chora-tadbirlarni amalga oshirish doirasida) kutib olish marosimi bo`lib o`tdi.

“O`zbekiston temir yo`llari” aksiyadorlik jamiyati Turkiya tomoni bilan hamkorlikda “Gumruh” stansiyasidan Toshkent shahriga yuklarni tashish yo`nalishini ishlab chiqdi. Jumladan, 40 ta vagondan iborat poezd maishiy texnika (sovutqich uskunalari)dan iborat, Turkiya, Eron, Turkmaniston bo`ylab harakatlanib bugun O`zbekistonga etib keldi.

Umumiy uzunligi 4500 kmdan ortiq bo`lgan ushbu yo`nalish O`zbekiston yuklarini xalqaro yo`nalishlarda tashish uchun qo`shimcha yo`nalish hisoblanadi.

Marosimda “O`zbekiston temir yo`llari”AJ boshqaruvi raisi v.b. X.Xasilov, Turkiya Respublikasining O`zbekistondagi Favqulodda va muxtor elchisi Olgan Bekar, Turkiya temir yo`llari vakillari, shuningdek, yangi temir yo`l yo`nalishining ochilishida ilk bor vagonlarda yukini olib kelgan tadbirkorlar ishtirok etdi.

Sharhlar

Ob-havo: Toshkent
Valyuta kursi
1