Namangan viloyati Chortoq tumani "Ayqiron" MFY hududidan oqib o`tuvchi katta Namangan kanaliga “Nexia-2” rusumli avtomobil haydovchisi noqulay ob-havo tufayli boshqaruvni yo`qotib, tushib ketdi. Bu haqda FVV matbuot xizmati xabar bermoqda.
Ma`lum bo`lishicha avtomobilda haydovchi va bir nafar yo`lovchi bo`lgan.
Vazirlikning qo`shimcha qilishicha, manzilga FVV qutqaruvchilari etib borib, maxsus asbob-anjomlar va Favqulodda vaziyatlar davlat quyi tizimiga kiruvchi tashkilotlar texnikalarini jalb qilgan holda avtomobil kanaldan olib chiqilgan.
"Hodisa oqibatida tan jarohati olgan va halok bo`lganlar yo`q", — deyiladi vazirlikning xabarida.
