FVV qutqaruvchilari tomonidan Sergeli tumanida kanalga tushib ketgan avtomobil olib chiqildi. Bu haqda FVV matbuot xizmati xabar bermoqda.
Ma`lum qilinishicha, bugun, 12 yanvar kuni Toshkent shahar Sergeli tumani “Xonobod tepa” MFY Qipchoq ko`chasidan oqib o`tuvchi “Qipchoq” kanaliga “Cobalt” rusumli avtomobil haydovchisi boshqaruvni yo`qotib, tushib ketganligi to`g`risida tuman FV xabar kelib tushgan.
Shunga ko`ra zudlik bilan aytilgan manzilga 1 ta qutqaruv ekipaji etib borgan, maxsus asbob-anjomlar va Favqulodda vaziyatlar davlat quyi tizimiga kiruvchi tashkilotlar texnikalarini jalb qilgan holda avtomobil kanaldan olib chiqilgan.
Hodisa oqibatida tan jarohati olgan va halok bo`lganlar yo`q.
