ФВВ қутқарувчилари томонидан Сергели туманида каналга тушиб кетган автомобил олиб чиқилди. Бу ҳақда ФВВ матбуот хизмати хабар бермоқда.
Маълум қилинишича, бугун, 12 январь куни Тошкент шаҳар Сергели тумани “Хонобод тепа” МФЙ Қипчоқ кўчасидан оқиб ўтувчи “Қипчоқ” каналига “Cobalt” русумли автомобиль ҳайдовчиси бошқарувни йўқотиб, тушиб кетганлиги тўғрисида туман ФВ хабар келиб тушган.
Шунга кўра зудлик билан айтилган манзилга 1 та қутқарув экипажи етиб борган, махсус асбоб-анжомлар ва Фавқулодда вазиятлар давлат қуйи тизимига кирувчи ташкилотлар техникаларини жалб қилган ҳолда автомобил каналдан олиб чиқилган.
Ҳодиса оқибатида тан жароҳати олган ва ҳалок бўлганлар йўқ.
