Koronavirusga qarshi vaksinalarning buster dozasi insult xavfini keltirib chiqarmaydi — JSST 

Jahon sog`liqni saqlash tashkilotining immunizasiya va vaksinasiya masalalari bo`yicha direktori Keyt O’Brayen koronavirusga qarshi emlash vositalari samaradorligi va xavfsizligi haqida bayonot berdi. Bu haqda SSV matbuot xizmati xabar bermoqda. 

Uning qayd etishicha, SOVID-19 profilaktikasida qo`llanilayotgan vaksinalar xastalik og`ir o`tishi, gospitalizasiya hamda o`lim holatlarining oldini olishda ishonchli ta`sirga ega.  

Faqat maksimal samaradorlikka erishish uchun to`liq bosqichda va buster dozada emlanish zarur.  

Bunga, birinchi navbatda, xavf guruhiga mansub aholi qatlami, ya`ni:

60 yoshdan oshganlar,  

 surunkali kasalliklarga chalinganlar,  

 immuniteti zaif bemorlar,  

homilador ayollar,

tibbiyot xodimlari amal qilishlari kerak.

O`z navbatida, JSST mas`uli ba`zi ommaviy axborot vositalarida buster doza keksa yoshli kishilarda insult xavfini keltirib chiqarishi to`g`risidagi xabarlar mutlaqo asossiz ekanligini ta`kidladi.  

“O`rganishlarimiz davomida mazkur holatlar o`z tasdig`ini topmadi. Qolaversa, tashkilotga bu borada hech qanday e`tiroz, shikoyat va shubhali holatlar bo`yicha ma`lumotlar ham kelib tushmagan” — deydi ekspert.  

Doktor Keyt O’Brayen koronavirusning yangi mutasiyalari keng tarqalayotgan hozirgi sharoitda kuchaytiruvchi dozada emlanish pandemiyaning navbatdagi kuchli to`lqinlariga qarshi mustahkam to`siq bo`lishini ta`kidladi.