Farg`onada 20 yoshli o`g`il oilaviy kelishmovchilik sabab o`z onasini pichoqlab o`ldirdi. Bu haqda "zamon" informasion dasturida xabar qilindi.
Ma`lum qilinishicha, Farg`ona viloyati Marg`ilon shahar "Do`stlik" mahallasida yashovchi fuqaro A.R. pichoq bilan onasining elka qismiga qasddan urib, uning o`limiga sababchi bo`lgan. Yigit sal avval ota, marhuma esa buvi bo`lgan edi.
“O`sha kuni marhuma va kelin o`rtasida kelishmovchilik yuz bergan. Fuqaro A.R. oilasini bu janjallardan tashqariga olib chiqib ketaman degan maqsadda ko`ch-ko`ronini ko`tarmoqchi bo`lgan. Bizga ushbu oilada janjal bo`layotganini xabar qilishdi. Xotin-qizlar faoli, profilaktika noziri bilan kirib borayotganimizda shu holat yuz berdi”, — deydi mahalla raisi.
Sudlanuvchi ilgari tayinlangan 12 yillik qamoq jazosidan norozi bo`lib, voyaga etmagan farzandi va ikki nafar ukasi borligi, otasini esa kasal deb, apellasiya tartibida shikoyat kiritgan. Farg`ona viloyati sud apellyasiyasi instansiyasida mahkumning shikoyati ko`rib chiqilib, sud hukmi o`zgarishsiz qoldirilgan.
