BMTning Inson huquqlari bo`yicha Oliy komissari bilan uchrashuv bo`ldi

Siyosat 15.03.2023, 10:55
Teglar: BMT
BMTning Inson huquqlari bo`yicha Oliy komissari bilan uchrashuv bo`ldi

2023 yil 13 mart kuni Inson huquqlari bo`yicha O`zbekiston Respublikasi Milliy markazida Birlashgan Millatlar Tashkilotining Inson huquqlaribo`yicha Oliy komissari Folker Tyurk bilan uchrashuv bo`ldi. 

Uchrashuvda O`zbekistonda inson huquqlari sohasida amalga oshirilayotgan ishlar haqida so`z bordi. Mamlakatimiz BMT Inson huquqlari bo`yicha Oliy komissari Boshqarmasining samarali va mustaqil faoliyat yuritishini qo`llab-quvvatlashi, keyingi davrda BMTning mazkur Boshqarmasi bilan o`zaro hamkorlik amaliy ruhda izchil rivojlanayotgani qayd etildi.

BMTning Inson huquqlari bo`yicha oliy komissari Boshqarmasi ekspertlari ishtirokida ishlab chiqilgan Inson huquqlari bo`yicha O`zbekiston Respublikasi Milliy strategiyasi mamlakatimizda inson huquqlarini himoya qilish mexanizmini takomillashtirish va inson huquqlari madaniyatini shakllantirishda katta ahamiyat kasb etmoqda. Ushbu hujjatda inson huquqlari masalasiga tizimli yondashish va mavjud bo`shliqlarni, kamchiliklarni bartaraf etish ochiq-oydin ko`rsatilgani uni amalda tatbiq etishni osonlashtirmoqda. 

Mamlakatimiz BMTning ustav va shartnomaviy organlari doirasida inson huquqlari sohasi bo`yicha zimmasiga olgan xalqaro majburiyatlarini bajarib kelmoqda. O`zbekiston BMT Inson huquqlari bo`yicha Oliy komissari Boshqarmasi ko`magida Inson huquqlari bo`yicha kengashning Universal davriy hisoboti mexanizmi doirasida berilgan tavsiyalarning bajarilishi bo`yicha o`z ma`ruzalarini tayyorlash borasida ilg`or davlatlardan biriga aylangani ham buni tasdiqlaydi.

Inson huquqlari bo`yicha O`zbekiston Respublikasi Milliy markazi O`zbekistonning inson huquqlari sohasidagi xalqaro majburiyatlarini bajarish bo`yicha davlat organlari va boshqa tashkilotlar o`zaro hamkorligini, milliy ma`ruzalar tayyorlanishi, inson huquqlarini himoya qilish bo`yicha xalqaro tashkilotlar bilan hamkorlik kengaytirilishini ta`minlovchi davlat organi hisoblanadi. Milliy markaz normativ-huquqiy hujjatlarni takomillashtirish, inson huquqlari sohasidagi O`zbekiston Respublikasining xalqaro shartnomalarini milliy qonunchilikka va huquqni qo`llash amaliyotiga implementasiya qilishni ta`minlash bo`yicha takliflar tayyorlab, tegishli tartibda taqdim etib kelmoqda.

Milliy markaz aholining huquqiy savodxonligini oshirishga ko`maklashish, inson huquqlariga rioya qilish masalalari bo`yicha ilmiy tadqiqotlarni tashkil etishga alohida e`tibor qaratmoqda. Bu o`rinda 2022 yil 5-6 dekabr kunlari Samarqand shahrida bo`lib o`tgan «Inson huquqlari sohasida ta`lim» mavzusidagi Global forum BMTning Inson huquqlari bo`yicha Oliy komissari Boshqarmasi hamkorligida tashkil etilganini ta`kidlash lozim.

Shu munosabat bilan BMT Inson huquqlari bo`yicha Oliy komissari F.Tyurk Global forum ishtirokchilariga yo`llagan videomurojaatida O`zbekiston hukumatining inson huquqlari sohasida ta`lim va tarbiya bo`yicha zimmasiga olgan majburiyatlarini bajarish hamda bu borada boshqa mamlakatlar bilan yaqindan hamkorlikni rivojlantirishga qaratilgan samarali sa`y-harakatlarini yuqori baholagani yana bir bor e`tirof etildi.

Joriy yil 30 aprelda referendumga qo`yiladigan “O`zbekiston Respublikasi Konstitusiyasi to`g`risida”gi Konstitusiyaviy qonun loyihasining mohiyati va ahamiyati haqida ham fikr almashildi. Konstitusiyaviy qonun loyihasi bo`yicha tavsiyalarini yo`llagani uchun BMT Inson huquqlari bo`yicha Oliy komissariga minnatdorlik bildirildi.

Qonun hujjatlarini inson huquqlari nuqtai nazaridan takomillashtirishda jinoiy jazo ko`zda tutilgan ayrim normalarni imkon qadar kamaytirish yoki yumshatish bu borada kutilgan ijobiy natijalarni berishi qayd etildi. F.Tyurk o`zi rahbarlik qilayotgan BMT Boshqarmasi ushbu yo`nalishdagi qonun loyihalarining xalqaro andozalarga qanchalik mosligini o`rganib, tegishli tavsiyalar berishga hamisha tayyor ekanini ma`lum qildi.

Tomonlar o`zaro hamkorlik munosabatlarining boshqa sohalarini ham atroflicha muhokama qildilar. 

Inson huquqlari bo`yicha
O`zbekiston Respublikasi
Milliy markazining
matbuot xizmati

 

Sharhlar

BMT Bosh Assambleyasida Ukrainaning hududiy yaxlitligi uchun ovoz berildi

13.10.2022, 12:43

Birlashgan Millatlar Tashkiloti Bosh Assambleyasi Moskvadan Ukrainaning Donesk, Zaporoje, Lugansk va Xerson viloyatlarining ayrim viloyatlarining maqomi haqidagi qarorlarni bekor qilishni talab qildi. Bu haqda BMTning...
Zelenskiy o`zining “tinchlik formulasi”ni e`lon qildi: u 5 banddan iborat

24.09.2022, 09:48

Prezident Vladimir Zelenskiy Ukraina BMT Bosh Assambleyasida o`zining “tinchlik formulasini, xalqaro munosabatlarni barqarorlashtirishning o`ziga xos yo`lini” taklif qilganini aytdi va “buni dunyo albatta eshitganiga” ishontirdi....
Lavrov BMT yig`ilishida Ukrainani totalitar fashistlar davlati deb atadi (video)

23.09.2022, 09:40

Rossiya bosh diplomati Sergey Lavrov Ukrainani “nasistlarning totalitar davlati” deb atadi. Rossiya Federasiyasi Tashqi ishlar vazirligi rahbari 22 sentyabr, payshanba kuni Birlashgan Millatlar Tashkiloti Xavfsizlik...
BMT Xavfsizlik kengashi Ukrainada tinchlik va xavfsizlikni saqlash masalasi bo`yicha yig`ilish o`tkazadi

02.09.2022, 08:34

22 sentyabr kuni BMT Xavfsizlik Kengashi “Ukrainada tinchlik va xavfsizlikni saqlash” mavzusida yig`ilish o`tkazadi.Ma`lum ilinishicha, Ukrainadagi vaziyatni muhokama qiladigan BMT Xavfsizlik Kengashi yig`ilishi sentyabr oyining...
Ob-havo: Toshkent
Valyuta kursi
1