Eng ko`p yuridik shaxslar Toshkent shahrida, eng kami...

O`zbekiston Respublikasi Davlat soliq qo`mitasi yuridik shaxslar va yakka tartibdagi tadbirkorlar dinamikasini  e`lon qildi. 

Xabarda aytilishicha, yuridik shaxslarning yarmiga yaqini (48%) savdo, shuningdek, qishloq, o`rmon va baliq xo`jaligida faoliyat yuritadi.

Shuningdek, ularning aksariyati Toshkent, Samarqand, Farg`ona, Qashqadaryo va Toshkent viloyatlarida.

Yakka tartibdagi tadbirkorlar asosan chakana savdo, hunarmandchilik va maishiy xizmat ko`rsatish bilan shug`ullanmoqda. Ularning 42%ini xotin-qizlar tashkil etadi.

YaTTlar asosiy qismi qat`iy belgilangan miqdorda daromad solig`i to`lovchilari hisoblanadi (195 314 nafar). Shuningdek, 38 195 nafari AOS to`lovchilari va 1906 nafari QQS va foyda solig`i to`lovchisidir.

Ma`lumotda qo`shimcha qilinishicha, O`zbekistonda 2023 yil 1 aprel holatiga faoliyat ko`rsatayotgan yuridik shaxslar soni 581 265 taga etib, o`tgan yilning mos davriga nisbatan 7,7%ga (41,4 ming) o`sdi. 

Sohalar kesimida o`sish ko`rsatkichi eng yuqori – TOP-3:

• axborot va aloqa xizmatlari – 15 % (1,3 mingta);
• tashish va saqlash – 14,5% (2,1 mingta);
• savdo – 13,2% (17,4 mingta).

O`sish ko`rsatkichi eng past – TOP-3:  

• qurilish – 6,1% (2 mingta).
• qishloq, o`rmon va baliq xo`jaligi – 4% (5,2 mingta);
• sanoat – 3,9% (2,7 mingta).

Hozirda jami yuridik shaxslarning:

• 25 %i savdo sohasida (149,6 mingta);
• 23 %i qishloq, o`rmon va baliq xo`jaligi sohasida (137,1 mingta) faoliyat yuritmoqda.

Yuridik shaxslar mart oyida 1,9 mingtaga oshdi.

Shuningdek, 2023 yil 1 aprel holatiga YaTTlar 235 415 tani tashkil etib, o`tgan yilning mos davriga nisbatan 5,1%ga (11,5 mingta) oshgan.

O`sish ko`rsatkichi sohalar kesimida:

• hunarmandchilik – 15,7% (3,4 ming );
• chakana savdo – 5,5% (6 ming );
• maishiy xizmat ko`rsatish – 2,7% (0,6 ming);
• boshqa faoliyat turlari – 2,1% (1,5 ming).