Surxondaryo viloyatining Uzun tumanida "Gentra" jarlikka tushib ketishi oqibatida ikki kishi halok bo`ldi. Bu haqda viloyat IIB YHXB axborot xizmati xabar bermoqda.
Ma`lum qilinishicha, hodisa joriy yil 7 may kuni soat 23:30 larda Uzun tumanidan o`tuvchi 4K-620 avtomobil yo`lining 51-kilometrida sodir bo`lgan. Denov yo`nalishidan harakatlanib kelayotgan Gentra haydovchisi xavfli burilishlarga e`tibor bermasdan, chalg`ishi oqibatida boshqaruvni yo`qotib, mashina jarlikka tushib ketgan.
Avtohalokatda 1 nafar fuqaro voqea joyida, yana bir fuqaro esa shifoxonada halok bo`lgan. Qayd etilishicha, yo`l tog`li hududda joylashgan bo`lib, hududda yo`l belgilari etarli darajada o`rnatilgan. Yo`l chetiga ham to`siqlar joylashtirilgan, ammo haydovchi ushbu to`siqlar bo`lishiga qaramay, etarli darajada qoidaga amal qilmagani sababli jarlikka qulab ketgan.
