"Tan olinmagan farzandman". Abror Muxtor Aliy Botir Qodirovning otasi haqida gapirganlarini qoralab chiqdi (video)

Sal avval xonanda Botir Qodirov bilan uyushtirilgan intervyudan parchalar ijtimoiy tarmoqlarda keng tarqaldi. Unda xonanda o`zi bilan bog`liq doimiy shov-shuv bo`ladigan otasi haqida masalalarga to`xtalgan.

"Mening 15 nafar farzandim bor, ularning onalari boshqa-boshqa bo`lsa ham barchasini tan olaman va teng ko`raman. Men bu gaplarni nega aytyapman? Chunki vaqtida men tan olinmaganman, tan olinmagan farzandman. Erkak kishi bola unikimi, kimlardandir qo`rqib undan voz kechishi kerak emas, mard bo`lishi kerak..." deya o`z og`riqlari haqida gapirgan Qodirov.

Oradan bir muddat o`tib Botir Qodirovning ushbu gaplariga domla Abror Muxtor Aliy o`z munosabatini e`lon qildi. 

"Mendan ko`pchilik Botir Qodirovning ushbu chiqishiga munosabat so`rayapti. Balki xonanda yaxshi ota, yaxshi ijodkor, yaxshi inson, do`stdir. Ammo ota haqida bunday gapirish mumkin emas. O`g`il otasini mahkamaga bersa bo`ladimi deb, so`rashganida, hatto uning kovushini ham bera olmaydi, deb javob qaytarishgan. Balki otasi xato qilgandir, gunoh qilgandir, qilgan ishi o`zining bo`ynida. Biroq uning bu gunohini o`ziga ayb qilib aytishga, undan norozi bo`lishga farzandning haqqi yo`q. Men bu xonanda misolida boshqa barcha ota va farzandlarga ibrat qilib aytyapman", - deya o`z mulohazalarini keltirgan Abror Muxtor Aliy.