Bu haqda Vortex Tools kompaniyasi prezidenti Alan Miller ma`lum qilgan.
Uning so`zlariga ko`ra, bugungi kunda Amerika kompaniyasi neft va gaz qazib olishni optimallashtirish bo`yicha Ozarbayjon va O`zbekistondagi milliy va xalqaro energetika kompaniyalari bilan muzokaralar olib bormoqda.
Millerning ta`kidlashicha, ikki davlatdagi tabiiy gaz konlarida Vortex Tools kompaniyasining quduq burg`ilash asboblaridan foydalanish quduqlarning ishlash muddatini uzaytirish, kimyoviy moddalar va sirt faol moddalardan foydalanishni qisqartirish va iloji bo`lsa, gaz qazib olishni oshirish imkonini beradi. Bundan tashqari, ushbu uskunadan foydalanish ko`proq tabiiy gaz kondensatini olish imkonini beradi va quduqning tiqilib qolishini kamaytiradi yoki hatto yo`q qiladi.
"Uskunalarimiz gaz quduqlarida ishlatish kimyoviy foydalanishni 50 foizga qisqartiriiradi, bu esa gaz ishlab chiqarish samaradorligini oshirish bilan birga xarajatlarni kamaytiradi, - deydi Miller.
Eslatib o`tamiz, Ozarbayjon Energetika vazirligi ma`lumotlariga ko`ra, 2023 yilning yanvaridan avgustigacha Ozarbayjonda 32,2 milliard kub metr tabiiy gaz ishlab chiqarilgan, bu o`tgan yilning shu davriga nisbatan 5 foizga yoki 1,5 milliard kub metrga ko`pdir.
O`z navbatida, O`zbekistonda 2023 yilning yanvar-may oylarida gaz qazib olish hajmi 22 milliard kub metrni tashkil etib, o`tgan yilning shu davriga nisbatan 10 foizga (2,1 milliard kub metr) kamaydi. O`zbekiston Statistika qo`mitasi ma`lumotlaridan ma`lum bo`lishicha, respublikada gaz kondensati ishlab chiqarish hisobot davrida 2022 yilning besh oyi (555,3 ming tonna)ga nisbatan 8 foizga yoki 44,5 ming tonnaga kamaygan va 510,8 ming tonnani tashkil etgan.
